Mijoz qidirish masalasi har qanday tashkilot uchun asosiy va eng murakkab vazifa bo’lgan va shunday bo’lib qolmoqda. Ertami kechmi har bir tashkilot rahbari “Mijozlarni qanday topish mumkin?” degan savolni o’ziga berishi muqarrar. Bu muammoga yechim topish uchun odatda savdo-sotiq ishlari bo’yicha menejer yollanadi, OAVda reklama joylashtiriladi, saytlar yaratiladi. Quyida aynan shu so’nggi usul haqida gap yuritiladi.
Internet orqali mijozlarni faol ravishda qidirish va jalb qilish bizning davrimizda birinchi o’ringa chiqmoqda. Aynan shuning uchun hozirda o’z internet manbasiga (saytiga) ega bo’lmagan kompaniyani topish mushkul. Potensial mijoz uni shu turdagi milliardlab manbalar orasidan topishi kerak. Lekin sayt yaratish – bu hali asosiysi emas. Aynan sizning saytingiz qidiruv tizimlaridagi natijalarning birinchi sahifasida ko’rinadigan qilish ko’pincha oson bo’lmaydi. Demakki, ko’ngildagi mijozga internet orqali ega bo’lish ham tobora murakkablashib bormoqda. Murakkab degani imkonsiz degani emas…
Mijozlarni internetda qidirishning bir nechta asosiy usullari mavjud:
1) Internetda reklama
• Mediali reklama – ommabop internet-resurslarda matnli-grafikli ma’lumotlar joylashtiriladi. Mijozlar saytingizga odatda harakatlanadigan rasm yoki harakatsiz banner ko’rinishida tuzilgan link orqali o’tishadi.
• Kontekstli reklama – matnli-grafikli ma’lumotlarni o’xshash mavzuga ega bo’lgan saytlarga yoki ma’lum so’rovlar bo’yicha qidiruv sistemalari natijalari yoniga joylashtirish. Birinchi turdan asosiy farqi – bu reklama ma’lumoti mazmunining u joylashtiriladigan internet sahifa kontekstiga albatta mos tushishidir. Mijozlar saytingizga o’shanday link orqali o’tishadi, lekin bog’liqlik birinchi holatdagidan ko’ra yuqoriroq.
2) Saytni rivojlantirish – sayt o’rnini qidiruv tizimlarida ma’lum so’rovlar bo’yicha natijalar ichida balandlatishga qaratilgan chora-tadbirlar to’plami. Potensial mijozlar resursingizni mustaqil ravishda topadilar.
Albatta, mijozlarni internet orqali qidirishning boshqa ko’plab usullari mavjud, lekin biz hozircha shu uchtasida to’xtashga qaror qildik.
Присоединяйтесь к ОК, чтобы подписаться на группу и комментировать публикации.
Нет комментариев