85 арлыда нывбаба олӧ ӧтнас. Отка пиыс водз кувсис, внук-внучка олӧны карын. Корӧны, эськӧ, пӧчӧс ас дорас овны, но Лидия Дмитриевналы жаль на вӧрзьӧдчыны ас чужан позйысь карланьыд, да и кытчӧ кань-тӧваришъястӧ колян.. Тшай чашка дорын Лидия Дмитриевна дыр висьталіс ичӧтдырся да том кадся олӧм. Сизим чоя-вока чужтывлӧма мамыс да ставныс, ичӧт Лида кындзи, ӧта-мӧд бӧрся кувлӧмаӧсь. Тшыг олӧм да "биа" висьӧм абу ордйӧма уна челядя семьяӧс. Ань, сьӧкыд олӧм вылӧ видзӧдтӧг, помавлӧма "семилетка", а сэсся и рытъя школаын 10 класс. Школа бӧрын велӧдчӧма карын, ичӧт челядь дорын уджалысьӧ. Училище помалӧм бӧрын уджавлӧма Сордйылын челядь видзанінын, Помӧсдінын.. райсобесын старшӧй счетовод-кассирӧн, ревизорӧн, инспекторӧн. Район бырӧм бӧрын индісны школа интернатӧ старшӧй воспитательӧн, кӧні уджаліс нӧшта 23 во, пенсия вылӧ петтӧдз. Удж вывсянь Лидия Дмитриевналӧн эм уна ошкана бумагаяс. Аслас верӧскӧд Федор Николаевичкӧд ань тӧдмасьліс райисполкомын инспекторӧн уджалігӧн. Сійӧс, Абьячойса зонӧс, ыстӧмаӧсь вӧлі инспекторавны институт помалӧм бӧрын Помӧсдінӧ. Бӧрынджык уджаліс школаын велӧдысьӧн. Дженьыд нэма вӧлӧма Федор Николаевич, водз, 47 арлыдӧн эновтіс таладор югыдсӧ..Лидия Дмитриевна 39 арӧсӧн коли дӧваӧн. Синваыс доршасьӧ олӧма аньлӧн: став олӧмыс син водзын. Но век жӧ сьӧлӧмнас эз усь ань, пыр участвуйтіс сиктлӧн олӧмын, уна во ветлӧдліс клубӧ ветеранъяслӧн хорӧ, петкӧдчис сцена вылын. Юбилейӧн Лидия Дмитриевнаӧс чолӧмаліс Кулӧмдін районнӧй ветеранъяслӧн Совется юрнуӧдысь Сазанович Е.А. да Помӧсдинса ветеранъяслӧн сӧветса председатель Карманова Н.И. Сиам Лидия Дмитриевналы крепыд здоровье да дыр на овны.
Присоединяйтесь к ОК, чтобы подписаться на группу и комментировать публикации.
Комментарии 2