– Орангизда менинг саволларимга жавоб бера оладиган бирор киши борми?
Мажлис аҳли шу кишидан жавоб оласиз, дея Ҳайён ибн Ҳиболни кўрсатишди.
– Сизнингча саховат нима? – сўради аёл.
– Кўп садақа ва эҳсон қилиш, – деди Ҳайён ибн Ҳибол.
– Бу айтганингиз дунё билан боғлиқ. Мен диндаги саховат ҳақида сўрадим.
– Чин кўнгилдан Аллоҳга ибодат қилиш саховатдир.
Аёл яна сўради:
– Қилаётган ибодатингиз учун Аллоҳ таолодан эваз истайсизми?
– Табиийки, ҳа... Аллоҳ таоло бизга камида бирга ўн даража ажр ваъда қилган.
– Жуда қизиқ! Ҳам бирга ўн даража савоб кутасиз, ҳам ўзингизни ибодатда саховатлилардан санайсиз.
Аёлнинг бу гапидан кейин мажлис аҳли сукутга чўмди. Бир муддатдан кейин Ҳайён ибн Ҳибол аёлдан сўради:
– Сизнинг наздингиздаги саховат қандай?
– Чин саховат бирор нима таъма қилмай, завқ билан, фақат Аллоҳ
таолонинг розилигини кўзлаб ибодатда бўлиш, самимий бандалик этишдир.
Бизнинг вазифамиз Аллоҳга итоат, ибодат қилиш. Тангри таоло истаганини
қилгувчи, дилларимиздаги сирларни-да билгувчидир. Кўнглингиздан
кечганлардан хабардор эканини била туриб, дилингизда таъма билан Аллоҳ
таолога ибодат қилишга уялмайсизларми?..
“Ирфон” тақвимининг 2011 йил, 2-сонидан олинди
Присоединяйтесь к ОК, чтобы подписаться на группу и комментировать публикации.
Нет комментариев