Seni sog’inaman har lahza gulim,
Qachongacha menga qilasan zulm?
Senga yetishmoqlik ayt shirin tushmi?
Yoki sevgi-sevib so’ng unutishmi?
Muhabbatim chindir ishon so’zimga,
Ishonmasang agar boqgil ko’zimga
Ana shunda bari bo’ladi ayon,
Sevgim ko’z oldingda bo’lar namoyon
Qo’llarimdan tutgil ketaylik birga,
Yashama aldanib, ko’nib taqdirga.
Ketamiz ikkimiz jannat bog’iga,
O’t qalab o’tamiz ishq o’chog’iga.
Muhabbat kitobin yozamiz qayta
Charchamasman aslo sevishim ayta.
Nima qilay? Unutolmayman.
Xayolimdan ketmaysan sira.
Hamma narsa seni eslatar,
Go‘yo borliq sendan xotira.
Nima qilay? Unutolmayman,
Imkon bermas hatto uyqular.
Qulog‘imda jaranglar hamon,
Men yig‘lasam o‘sha kulgular.
Nima qilay? Unutolmayman,
Izlaring bor, yursam yo‘limda.
O‘qiy-o‘qiy titilib ketdi,
Maktublaring mening qo‘limda.
Nima qilay? Unutolmayman,
Irodamdan qilaman nafrat.
Gunohim ko‘pmidi shunchalar,
Mahkummanmi, hijronga abad?
Nima qilay? Unutolmayman,
Yetolmayman manziling yiroq.
Taqdirga tan bera qolmayman,
Bu qanday kuch? Bilmayman biroq.
Nima qilay? Unutolmasam,
Hasratlarni qilolmasam bas.
Axir qanday unutib yashay,
Yoding bilan olaman nafas,