Предыдущая публикация
Анам!
Бюгюн сен сау болсанг эди, къобузунгу алыб согъарыкь эдинг, джырларыкь эдинг
- Къой бу сарын салыб тргъанынгы, адам адамны джырлау бла кьайгъысын, бушуун чачады, джарытады. Сеннге тынгылагъан а джылагъан этеди-, деб чамлана эдим. Энди, аны джылына джете башлагъанымда уа анамы джанына тийгеними, терс болгъанымы ангылайма.
Анам (Атына АЯ деучю эдик) - Къулчаланы Кеккезни къызы Айшат 10 джылында Хурзукдан Къобан Ары джанына чагаргъа бармагъаны ючюн, он кюнню тюрмеде олтургъанды,12 джылында кеси тенглиле бла бирге окопа къазыб айланнганды, 30- дан артыкъ тенг къызчыкъла бла биргелей, юйюнден узакъда чага эте тургъанлай, аны солдатла, сюнгюлю шкоклары бла сюрюб, вагонлагъа джыйыб, Орта Азиягъа ашыргъандыла. Ая анасын, эгечин, къарнашын излей, Пахта Аралдан Джамбул областны Мерке районунда Ойтал элге садакъа джыя келгенди. Анасы Езденланы Джаммотну кьызы Кытан бла уллу эгечи Халимат ( Гага) арбазда шекер чюгюндюрчюк бишире тургьанлай анам юслерине барыб къалгьанды. Кытан:
- Гага, Айшатны юлюшю болсун,бу садакъачы кьызчыкъгъа чюгюндюрчюкле бер да ашыр.-, дегенлей, Ая: - Анам кьызынгыдамы танымайса?!-, деб сарын салгьанды.
- Малкъар бла биз бир адамны эки къолу, кезю-къашы, джаягьы,аягьы- алагъа уа бир башны акъылы оноу этеди, бир джюрек санлада къан джюрютеди,-деучен эди анам.
- 4 класс окъуунг бла философ болгъанса-, десем, ол онгсунмай эди.
-Аланы да, хариб, не кюнде келтиген эдиле ары. Кечюрюрню аллы бла бир кьауум Малкьар элни джамагьатын, баулагьа джыйыб, джанлары саулай кюйдюргендиле,атала къарнашла, эрле кьазауатда кьан теге, мында уа онгсуз кьартла бла, тиширыула бла, сабийле бла эмегенлеча саубитген деу аскерчиле кьазауат эте... Насыбха, асламын чечен,ингуш, къарачай джашагьан эллеге алыб келдиле да, биз джангы аязый башлагьан кезюуде- чабышдыкъ, бирикдик... -деб анам джылаб хапар айтыучан эди.
Атасы-полцай,кьайын атасы- полицай, къарнашы- полицай, ол кеси уа Къабарты- Малкъарда ПАРТИЯ Обкомда биринчи секретарь.Анга МЫЙЫКЬЛЫСЫ да, КЕЗЛЮКЛЮСЮ да бек ышаннгандыла,керти коммунистге, башчыгьа тергегендиле аллай итни. Бизни СУСЛОВЧА ол да гюнахы болмагъан МАЛКЬАР джамагьатны кьыйынлыкьгьа ашыргъанды.
Къралмагьандыла, джер юсюнден джокъ эталмагьандыла. Тау халкъ джигитлиги, ехдемлиги, джитилиги аны юсюне да уллу адамлыгьы бла ,УЛЛУ АЛЛАХНЫ болушлугьу бла сау кьалгьанды,кеб емюрлени энди зауукьда керпеслениб джашарыкьды. АЛЛАХ БОЛУШСУН! МУРАТЛАРЫНГА ДЖЕТ МАЛЛКЪАРЫМ!!! Анам кеси этген, кеси джырлагьан джырчыкъгьа бир тынгылагьыз
Следующая публикация
Комментарии 33
Джандетли болсун .
Джюрегинги таралтады.