Псалом 96
( да рассеются чары )
Господи воцарися, да радуется земля, да веселятся острови мнози. Облак и мрак окрест его, правда и судьба исправление Престола Его. Огнь пред Ним предыдет, и попалит окрест враги Его. Осветиша молния Его вселенную, виде, и подвижеся земля. Горы яко воск растаяша от лица Господня, от лица Господа всея земли. Возвестиша небеса правду Его, и видеша вси людие славу Его. Да постыдятся вси кланяющиися истуканным, хвалящиися о идолех своих; поклонитеся Ему, вси Ангели Его. Слыша и возвеселися Сион, и возрадовашася дщери Иудейския, судеб ради Твоих, Господи, яко Ты Господь Вышний над всею землею, зело превознеслся еси над всеми боги. Любящии Господа, ненавидите зла