✞ И МОЛИТСЯ ДУША МОЯ

Минея, 15 Мая, Кано́н преподо́бному. Его́же краегране́сие сицево́: Евфроси́на похвали́ти ра́зум, Бо́же мой, да́руй ми. Творе́ние Васи́лиево Глас 1 Песнь 1 Ирмос: Песнь побе́дную пои́м вси Бо́гу,/ сотво́ршему ди́вная чудеса́ мы́шцею высо́кою/ и спа́сшему Изра́иля,/ я́ко просла́вися. Припев: Преподо́бне о́тче Евфроси́не, моли́ Бо́га о на́с. Но́во тебе́ пе́ние приношу́ моле́бно,/ во отверзе́ние уст мои́х, Евфроси́не Богому́дре,/ пода́ждь ми твои́ми моли́твами благода́ть, я́ко да воспою́ тя. Припев: Преподо́бне о́тче Евфроси́не, моли́ Бо́га о на́с. Страсте́й омраче́нием порабоще́на,/ све́тлыми моли́твами твои́ми, преподо́бне Евфроси́не, ны́не свободи́,/ да я́ко Христо́ва раба́ тя Боже́ственными воспою́ пе́сньми. Припев: Преподо́бне о́тче Евфроси́не, моли́ Бо́га о на́с. Авраа́мову страннолю́бному о́бразу ты уподо́бився, преподо́бне,/ всем оби́тели своея́ врата́ отве́рзл еси́,/ и всем всяк был еси́, утеша́я су́щия в печа́лех,/ и оби́тель твоя́, о́тче Евфроси́не, я́коже не́кое и́мя,/ че́стно ноша́шеся и во ины́х оби́телех, блаже́нне. Сла́ва Отцу́ и Сы́ну и Свято́му Ду́ху. Христо́ви прилепля́яся от ю́ности, о́тче Евфроси́не,/ чи́стым умо́м и целому́дрием теле́сным ду́шу просвети́л еси́,/ я́ко безпло́тен, на земли́ пожи́в,/ ны́не в Вы́шних Бо́гови предстоя́, нас помина́й. И ны́не и при́сно и во ве́ки веко́в. Ами́нь. Богородичен: Богоро́дичен: Яви́ся вы́шши А́нгел, Бо́га вопло́щши ро́ждшагося, и погребе́на,/ и ме́ртвым нетле́ние, Де́во Чи́стая, пода́вшаго,/ Его́же моли́ спасти́ся ве́рно сла́вящим Тя. Песнь 3 Ирмос: Да утверди́тся се́рдце мое́ в во́ли Твое́й, Христе́ Бо́же,/ И́же над вода́ми не́бо утвержде́й второ́е/ и основа́вый на вода́х зе́млю, Всеси́льне. Припев: Преподо́бне о́тче Евфроси́не, моли́ Бо́га о на́с. Боже́ственным светоли́тием, Богому́дре, просвеща́емь/ о́тче преблаже́нне Евфроси́не,/ све́тлое и светоно́сное честно́е успе́ние твое́ любо́вию чту́щих,/ преподо́бне, твои́ми моли́твами просвети́. Припев: Преподо́бне о́тче Евфроси́не, моли́ Бо́га о на́с. Ума́ твоего́ о́ко, преподо́бне о́тче, от страсте́й мглы очи́стив,/ Пресвято́му Ду́ху прия́тно селе́ние яви́ся,/ чи́стым блиста́нием соде́лал еси́, Богоблаже́нне Евфроси́не. Припев: Преподо́бне о́тче Евфроси́не, моли́ Бо́га о на́с. Тве́рдостию ра́зума укрепля́емь, всеблаже́нне Евфроси́не,/ разли́чная мечта́ния враго́в обличи́л еси́, му́дре,/ и горды́ню тех возвы́шенную низложи́л еси́, преподо́бне. Сла́ва Отцу́ и Сы́ну и Свято́му Ду́ху. Рачи́тель сый ми́лостиваго Христа́ своего́, о́тче Евфроси́не,/ не́коему и́ноку, в раска́яние впа́дшу о да́ннем сребре́ на сооруже́ние оби́тели твоея́,/ ты же повеле́л еси́ отда́ти,/ и, взем, отъи́де в и́ну оби́тель, и ослепе́, и приводи́м с ве́рою./ Ты же, о́тче, ми́лостивно наказу́я, Бо́жиею благода́тию да́руеши ему́ прозре́ние, я́коже при купе́ли. И ны́не и при́сно и во ве́ки веко́в. Ами́нь. Богородичен: И́же пре́жде век рожде́йся от Отца́/ напосле́док неизрече́нно из утро́бы Твоея́ про́йде/ и обожи́ на́ше естество́, Ма́ти Де́во,/ И́же преподо́бных ли́ки я́ве изводя́й. Седален, глас 8 От ю́ности, блаже́нне, вся оста́вль кра́сная же и ле́потная,/ усе́рдно после́довал еси́ Христу́, зва́вшему тя, со све́рстником свои́м./ Посто́м, отцы́ преподо́бнии, те́ло свое изнури́ли есте́,/ в моли́твах безпреста́ни бдя́ще./ Те́мже тя, о́тче, Всеве́дый Госпо́дь до́бре устроя́ет па́стыря Свои́м овца́м слове́сным./ Евфроси́не и Серапио́не, отцы́ Богоно́снии,/ моли́те Христа́ Бо́га грехо́в оставле́ние пода́ти/ чту́щим любо́вию святу́ю па́мять ва́шу. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен: Я́ко де́ву и еди́ну в жена́х, Тя́, без се́мене ро́ждшую Бо́га пло́тию, вси́ ублажа́ем, ро́ди челове́честии: о́гнь бо всели́ся в Тя́ Божества́, и я́ко Младе́нца млеко́м пита́еши Зижди́теля и Го́спода. Те́м, а́нгельский и челове́ческий ро́д, досто́йно сла́вим пресвято́е Рождество́ Твое́ и согла́сно вопие́м Ти́: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́. Песнь 4 Ирмос: Ду́хом прови́дя, проро́че Авваку́ме, Словесе́ воплоще́ние,/ пропове́дал еси́, вопия́:/ внегда́ прибли́житися ле́том – позна́ешися,/ внегда́ приити́ вре́мени – пока́жешися./ Сла́ва си́ле Твое́й, Го́споди. Припев: Преподо́бне о́тче Евфроси́не, моли́ Бо́га о на́с. Зако́н Бо́жий сохраня́я невре́дно, преподо́бне,/ чистоту́ и смире́ние ты от младе́нства име́л еси́,/ и житие́ нескве́рно, и нрав ми́лостивей, о́тче досточу́дне Евфроси́не. Припев: Преподо́бне о́тче Евфроси́не, моли́ Бо́га о на́с. Возвы́сил еси́ к Бо́гу серде́чное жела́ние, и смири́л еси́ па́губныя стра́сти,/ и лука́вствия бесо́в низложи́л еси́, преподо́бне Евфроси́не,/ и́ночествующим недви́жимое основа́ние. Припев: Преподо́бне о́тче Евфроси́не, моли́ Бо́га о на́с. Звезда́ све́тлая яви́ся в конце́х, пусты́ню же град сотвори́л еси́/ и мно́жество учени́к собра́л еси́,/ Христу́ сраспя́лся еси́, крест свой на ра́мо взем,/ воздержа́нием сам себе́ изнури́л еси́, свя́те Евфроси́не,/ моли́ непреста́нно о всех нас. Сла́ва Отцу́ и Сы́ну и Свято́му Ду́ху. В нищете́ пожи́в, преподо́бне, доброде́тельми обогати́лся еси́/ и, жития́ све́тлостию быв испо́лнен, преста́вися к Вы́шнему гра́ду, о́тче Евфроси́не,/ и мо́лишися изба́витися от бед ста́ду твоему́. И ны́не и при́сно и во ве́ки веко́в. Ами́нь. Богородичен: Святы́х Свята́го па́че смы́сла и естества́ породила́ еси́, Богоро́дице,/ освяще́ние, и избавле́ние, и оставле́ние грехо́в ве́рным хода́тайством Твои́м подаю́ща/ и́же Его́ сла́вящим воскресе́ние. Песнь 5 Ирмос: Твой мир даждь нам,/ Сы́не Бо́жий:/ ино́го бо, ра́зве Тебе́, бо́га не зна́ем,/ И́мя Твое́ имену́ем,/ я́ко Бог живы́х и ме́ртвых еси́. Припев: Преподо́бне о́тче Евфроси́не, моли́ Бо́га о на́с. Оте́ц си́рым был еси́ и пита́тель вдови́цам,/ скорбя́щим утеше́ние, оби́димым помо́щник,/ па́стырь и наста́вник ста́ду своему́, преподо́бне Евфроси́не,/ и ны́не приле́жно моли́ся Влады́це о нас. Припев: Преподо́бне о́тче Евфроси́не, моли́ Бо́га о на́с. И́нок и́стинен был еси́, простра́ннаго пути́ удаля́яся, те́сный предпочита́я;/ дости́гл еси́ широты́ ра́йския и дре́ву жи́зненному причаща́ешися,/ но и нас, ве́рою чту́щих тя, помина́й. Припев: Преподо́бне о́тче Евфроси́не, моли́ Бо́га о на́с. Се́рдце твое́ скрижа́ль чи́сту наше́д,/ Святы́й Дух, о́тче Евфроси́не, обре́те,/ дарова́ тебе́ сверше́ное безстра́стие, ве́ру тве́рду и любо́вь нелицеме́рну. Сла́ва Отцу́ и Сы́ну и Свято́му Ду́ху. Ме́сто, е́же сподо́бися прия́ти честны́я мо́щи твоя́, преподо́бне Евфроси́не, освяти́ся/ и по мно́гим страна́м прославля́емо есть,/ я́ко в себе́ мо́щи твоя́ иму́ще. И ны́не и при́сно и во ве́ки веко́в. Ами́нь. Богородичен: Свяще́ния сень я́вльшися, Мари́е,/ оскверне́нную сластьми́ окая́нную мою́ ду́шу освяти́/ и Боже́ственныя сла́вы прича́стника мя сотвори́. Песнь 6 Ирмос: Проро́ка Ио́ну подража́я, вопию́:/ живо́т мой, Бла́же, свободи́ из тли/ и спаси́ мя, Спа́се ми́ра, зову́ща: сла́ва Тебе́. Припев: Преподо́бне о́тче Евфроси́не, моли́ Бо́га о на́с. Стра́хом Христо́вым утверди́ся, преподо́бне,/ те́ло, и ум, и ду́шу очи́стив от вся́кия скве́рны,/ и́миже зарю́ прия́т, Богому́дре, трисо́лнечную, Евфроси́не, о́тче всеблаже́нне. Припев: Преподо́бне о́тче Евфроси́не, моли́ Бо́га о на́с. Весь распя́лся еси́ ми́рови, о́тче Евфроси́не,/ крест Христо́в на рамо взем, блаже́нне,/ и, Того́ страсте́м подо́бяся, прича́стник бысть воскресе́нию и сла́ве лу́чшей,/ в не́йже нас помина́й. Припев: Преподо́бне о́тче Евфроси́не, моли́ Бо́га о на́с. Стягну́в те́ло твое́ воздержа́нием и чистото́ю,/ в Вы́шняя селе́ния к широте́, о́тче, дости́гл еси́. Сла́ва Отцу́ и Сы́ну и Свято́му Ду́ху. Храм тя, вси ве́рнии, Свято́му Ду́ху све́мы,/ храм бо благоле́пен воздви́гл еси́ Бо́гови,/ в том вселе́нских учи́телей именова́л еси́ и и́нок мно́жества совокупи́л еси́./ И ны́не моли́твами твои́ми всяк неду́г отгоня́ется. И ны́не и при́сно и во ве́ки веко́в. Ами́нь. Богородичен: Ви́девши, Его́же родила́ еси́, Бо́га, от ме́ртвых воста́вша,/ ра́дости испо́лнена яви́ся, Де́во Ма́ти Мари́е./ Того́ у́бо моли́ вся́ку печа́ль, Чи́стая, на́шего се́рдца до конца́ потреби́ти. Кондак, глас 8 Бо́жиим светоли́тием просвеще́н, о́тче,/ по́стническое стяжа́в жи́тельство, преподо́бне,/ и́ноком предо́брый наста́вниче и по́стником благо́е украше́ние./ Сего́ ра́ди Госпо́дь, труды́ твоя́ ви́дев, да́ром чуде́с обогати́ тя,/ источа́еши бо исцеле́ния./ Мы же, ра́дующеся, вопие́м ти:/ ра́дуйся, о́тче Евфроси́не, и́ноком удобре́ние. Икос Ева́нгельский глас услы́шав, о́тче,/ вся оста́вил еси́ плотска́я мудрова́ния,/ бога́тство же и сла́ву, я́ко прах, нивочто́же вмени́в,/ и на стра́сти, я́ко безпло́тен, подвиза́ся,/ и безпло́тных ликостоя́ний чистоте́ уподо́бися,/ ра́зума дарова́ние от Го́спода прия́л еси́./ Те́мже и аз, недосто́йный и гре́шный, наде́юся прия́ти моли́твами твои́ми, преподо́бне, ми́лость в День су́дный/ и соде́янных мно́ю зол проще́ние получи́ти,/ но ты пода́ждь ми сло́во свято́е воспе́ти житие́ твое́, преблаже́нне:/ ра́дуйся, Евфроси́не, преподо́бне и Богоно́се,/ Небе́сный челове́че и земны́й А́нгеле./ Ра́дуйся, я́ко кроме́ ми́ра су́етнаго пусты́ню сотвори́л еси́,/ и оби́тель в ней соста́вив, и храм прече́стен трем святи́телем воздви́гл еси́,/ и в нем тобо́ю Бог сла́вится./ Ра́дуйся, я́ко измла́да Бо́гу послужи́л еси́/ и, мно́жество и́нок собра́в, от ни́хже слы́шиши сицева́я тебе́ глаго́лющих:/ ра́дуйся, спасе́нию на́шему хода́таю,/ и́же до́бре пасы́й ста́до свое́ от наве́т вра́жиих;/ ра́дуйся, посрами́вый бесо́в полки́./ Ра́дуйся, и́ночествующим пресве́тлый свети́льниче и сто́лпе терпе́ния;/ ра́дуйся, оте́честву своему́, гра́ду Пско́ву, похвало́ и утвержде́ние./ Ра́дуйся, всем скорбя́щим ми́лость и благоутро́бие отве́рзл еси́/ и ни́щим засту́пниче и корми́телю и уныва́ющим утеше́ние;/ ра́дуйся, приходя́щим с ве́рою к ра́це твое́й от наве́т вра́жиих изба́вителю,/ и помысло́в злых от них отгони́телю, и скорбя́щим сла́дкое утеше́ние./ Ра́дуйся, ра́дости Боже́ственныя пода́телю и чуде́с исто́чниче к тебе́ притека́ющим./ Ра́дуйся, предста́телю наш, о́тче Евфроси́не, и́ночествующим удобре́ние. Песнь 7 Ирмос: Су́щим в пещи́ отроко́м Твои́м, Спа́се,/ не прикосну́ся, ниже́ стужи́, огнь./ Тогда́ трие́, я́ко еди́неми усты́, поя́ху/ и благословля́ху, глаго́люще:/ благослове́н Бог оте́ц на́ших. Припев: Преподо́бне о́тче Евфроси́не, моли́ Бо́га о на́с. Смотря́я бу́дущую жизнь, блаже́нне Евфроси́не,/ ми́рови умертви́ся вои́стинну, я́ко со́лнце, возсия́в,/ страх Бо́жий восприи́м в се́рдцы свое́м,/ вселе́нную всю возвесели́л еси́ уче́ньми, вопия́:/ благослове́н Бог оте́ц на́ших. Припев: Преподо́бне о́тче Евфроси́не, моли́ Бо́га о на́с. Зря́ще муче́ния та́мошняя мы́сленными очи́ма и се́рдцем боле́знуя вы́ну,/ чи́сто житие́ пожи́в, Богоблаже́нне, к нестаре́ющейся пи́щи преста́вися;/ в не́йже чту́щия тя помина́й, о́тче Евфроси́не, вопия́:/ благослове́н Бог оте́ц на́ших. Припев: Преподо́бне о́тче Евфроси́не, моли́ Бо́га о на́с. Украси́в доброде́тельми свое́ житие́ и свя́то сконча́в свою́ жизнь,/ усну́л еси́, преподо́бне, сном ми́рным./ Те́мже спаса́й ста́до свое́ всегда́, твою́ па́мять пра́зднующих, вопию́щих:/ благослове́н Бог оте́ц на́ших. Сла́ва Отцу́ и Сы́ну и Свято́му Ду́ху. По Боже́ственнем твое́м преставле́нии, о́тче Евфроси́не,/ чудеса́ сотвори́л еси́ о Христе́ и лю́дем по́мощь по́дал еси́, вопию́щим:/ благослове́н Бог оте́ц на́ших. И ны́не и при́сно и во ве́ки веко́в. Ами́нь. Богородичен: Прему́дрость Соста́вную и Сло́во Присносу́щное,/ Вра́ча душа́м и те́лом поро́ждшая,/ я́звы и гное́ния души́ моея́ уврачу́й лю́тыя/ и ле́тныя се́рдца моего́ исцели́ боле́зни, Де́во. Песнь 8 Ирмос: Его́же ужаса́ются А́нгели и вся во́инства,/ я́ко Творца́ и Го́спода,/ по́йте, свяще́нницы, просла́вите, о́троцы,/ благослови́те, лю́дие,/ и превозноси́те во вся ве́ки. Припев: Преподо́бне о́тче Евфроси́не, моли́ Бо́га о на́с. Подвиза́вся зако́нно на земли́,/ ны́не ра́дуешися, преподо́бне Евфроси́не, со святы́ми, Небе́сный обре́те поко́й,/ соприча́стник бысть весе́лию тех и ра́дости, взыва́я:/ благослови́те, лю́дие, Го́спода и превозноси́те Его́ во ве́ки. Припев: Преподо́бне о́тче Евфроси́не, моли́ Бо́га о на́с. Слеза́ми свои́ми, о́тче Евфроси́не, лице́ свое́ умыва́я,/ житие́ проше́л еси́ и те́ми мно́жество бесо́в потопи́л еси́;/ ве́рных же мы́сли возвесели́, пою́щих:/ благослови́те, лю́дие, Го́спода и превозноси́те Его́ во ве́ки. Припев: Преподо́бне о́тче Евфроси́не, моли́ Бо́га о на́с. Богохрани́мый град Псков, и́же тебе́ стяжа́вый,/ ра́достию ра́дуется, преподо́бне Евфроси́не,/ тебе́ бо, я́ко сте́ну име́я тве́рду и столп необори́м,/ Христа́ воспева́ет, И́же тебе́ сему́ дарова́вшаго, поя́:/ благослови́те, лю́дие, Го́спода и превозноси́те Его́ во ве́ки. Сла́ва Отцу́ и Сы́ну и Свято́му Ду́ху. Посто́м ум очища́я, кро́ток и незло́бив я́влься,/ на земли́ кро́тких живе́ши, Богому́дре Евфроси́не,/ со все́ми преподо́бными и избра́нными поя́:/ Го́спода благослови́те, лю́дие, и превозноси́те Его́ во ве́ки. И ны́не и при́сно и во ве́ки веко́в. Ами́нь. Богородичен: Пощади́ нас, пою́щих Твое́, Го́споди, и́же от Де́вы неизрече́нное рождество́,/ изба́ви от стра́стных бед и скорбе́й рабы́ Своя́ мольба́ми Пречи́стыя Твоея́ Ма́тере,/ я́ко Милосе́рд и Человеколю́бец. Песнь 9 Ирмос: Живоприе́мный исто́чник приснотеку́щий,/ светоно́сный свети́льник благода́ти,/ храм одушевле́нный, сень пречи́стую,/ Небесе́ и земли́ простра́ннейшую,/ Богоро́дицу, ве́рнии, велича́ем. Припев: Преподо́бне о́тче Евфроси́не, моли́ Бо́га о на́с. Я́ко у́тро, я́ко со́лнце, возсия́ па́мять твоя́,/ тьму отгоня́я душетле́нных страсте́й,/ ю́же соверша́юще, благоче́стно восхваля́ем тя ра́достными пе́сньми. Припев: Преподо́бне о́тче Евфроси́не, моли́ Бо́га о на́с. Я́ко в раи́, о́тче, воздержа́ния процве́л еси́,/ я́ко ма́слина, псало́мски яви́ся,/ ли́ца и сердца́ на́ша помазу́я ма́слом трудо́в твои́х, о́тче Евфроси́не,/ благоче́стно чту́щих свяще́нную па́мять твою́. Припев: Преподо́бне о́тче Евфроси́не, моли́ Бо́га о на́с. Днесь нам возсия́ честна́я па́мять твоя́, преблаже́нне,/ просвеща́я ду́ши и телеса́ и страсте́й мглу отгоня́я, преподо́бне./ Пода́ждь по́мощь моли́твами твои́ми, Евфроси́не о́тче,/ и наста́ви на стезю́ жи́зни,/ те́мже, досто́йно чту́ще тя, велича́ем. Припев: Преподо́бне о́тче Евфроси́не, моли́ Бо́га о на́с. Руко́ю мое́ю недосто́йною приноси́мое тебе́ с трудо́м хвале́ние,/ о́тче Евфроси́не, не пре́зри, но приими́/ и моли́ Творца́ своего́, Влады́ку и Го́спода, та́мошняго изба́вити ве́чнаго муче́ния/ тебе́ ве́рою почита́юща. Сла́ва Отцу́ и Сы́ну и Свято́му Ду́ху. Певце́в, и́же тебе́, блаже́нне, и́скренно воспева́ющих/ и твою́ па́мять честну́ю, преподо́бне Евфроси́не, ве́рою прославля́ющих,/ освяти́, и просла́ви, и от бед избавля́й и напа́стей/ и и́же та́мо ве́чнаго, о́тче, муче́ния,/ да тебе́ всегда́ воспева́ют. И ны́не и при́сно и во ве́ки веко́в. Ами́нь. Богородичен: Приими́, Пречи́стая Отрокови́це, Боже́ственную песнь,/ воздаю́щи благода́ть на Тя наде́ющимся,/ и мир испроси́ Це́рквам при́сно пода́ти/ и ве́рным посла́ти на враги́ одоле́ния и побе́ды,/ да, всяк язы́к христиа́нский, Тя велича́ем. Светилен Пусты́ню град сотвори́л еси́ прему́дрыми о́бразы,/ отце́м украше́ние, Евфроси́не Богому́дре,/ и сию́ соверши́л еси́, я́ко мы́сленный рай, принося́щ цве́ты Боже́ственныя,/ единообра́зных мно́жества, досто́йно твою́ творя́щих па́мять успе́ния. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен: Я́ко иму́щи милосе́рдие и ми́лость ве́лию,/ при́зри, Препе́тая Богоро́дице Де́во, на мое́ смире́ние,/ и страсте́й мглу и собла́зн жития́ разори́, Отрокови́це,/ и огня́ гее́нскаго изба́ви моли́твами Свои́ми.

Евангельские и Апостольские чтения 28 мая 2024 Деян.10:21–33 (зач. 25). Ин.7:1–13 (зач. 25). Прп.: 2Кор.4:6-15 (зач. 176). Лк.14:25–35* (зач. 77).* Если совершается полиелейная служба блгв. царевича Димитрия, то на утрене читается Лк.21:12-19 (зач. 106), а на литургии – чтения дня и блгв. царевича: 2Тим.2:1-10 (зач. 292). Ин.15:17–16:2 (зач. 52). Деяния апостолов Деян.10:21–33 (зач. 25). 10:21 10:22 10:23 10:24 10:25 10:26 10:27 10:28 10:29 10:30 10:31 10:32 10:33 Синодальный Языки [Зач. 25.] Петр, сойдя к людям, присланным к нему от Корнилия, сказал: я тот, которого вы ищете; за каким делом пришли вы? Они же сказали: Корнилий сотник, муж добродетельный и боящийся Бога, одобряемый всем народом Иудейским, получил от святого Ангела повеление призвать тебя в дом свой и послушать речей твоих. Тогда Петр, пригласив их, угостил. А на другой день, встав, пошел с ними, и некоторые из братий Иоппийских пошли с ним. В следующий день пришли они в Кесарию. Корнилий же ожидал их, созвав родственников своих и близких друзей. Когда Петр входил, Корнилий встретил его и поклонился, пав к ногам его. Петр же поднял его, говоря: встань; я тоже человек. И, беседуя с ним, вошел в дом, и нашел многих собравшихся. И сказал им: вы знаете, что Иудею возбранено сообщаться или сближаться с иноплеменником; но мне Бог открыл, чтобы я не почитал ни одного человека скверным или нечистым. Посему я, будучи позван, и пришел беспрекословно. Итак, спрашиваю: для какого дела вы призвали меня? Корнилий сказал: четвертого дня я постился до теперешнего часа, и в девятом часу молился в своем доме, и вот, стал предо мною муж в светлой одежде, и говорит: Корнилий! услышана молитва твоя, и милостыни твои воспомянулись пред Богом. Итак, пошли в Иоппию и призови Симона, называемого Петром; он гостит в доме кожевника Симона при море; он придет и скажет тебе. Тотчас послал я к тебе, и ты хорошо сделал, что пришел. Теперь все мы предстоим пред Богом, чтобы выслушать все, что повелено тебе от Бога. Евангелие от Иоанна Ин.7:1–13 (зач. 25). 7:1 7:2 7:3 7:4 7:5 7:6 7:7 7:8 7:9 7:10 7:11 7:12 7:13 Синодальный Языки [Зач. 25.] После сего Иисус ходил по Галилее, ибо по Иудее не хотел ходить, потому что Иудеи искали убить Его. Приближался праздник Иудейский – поставление кущей. Тогда братья Его сказали Ему: выйди отсюда и пойди в Иудею, чтобы и ученики Твои видели дела, которые Ты делаешь. Ибо никто не делает чего-либо втайне, и ищет сам быть известным. Если Ты творишь такие дела, то яви Себя миру. Ибо и братья Его не веровали в Него. На это Иисус сказал им: Мое время еще не настало, а для вас всегда время. Вас мир не может ненавидеть, а Меня ненавидит, потому что Я свидетельствую о нем, что дела его злы. Вы пойдите на праздник сей; а Я еще не пойду на сей праздник, потому что Мое время еще не исполнилось. Сие сказав им, остался в Галилее. Но когда пришли братья Его, тогда и Он пришел на праздник не явно, а как бы тайно. Иудеи же искали Его на празднике и говорили: где Он? И много толков было о Нем в народе: одни говорили, что Он добр; а другие говорили: нет, но обольщает народ. Впрочем никто не говорил о Нем явно, боясь Иудеев. Апостола Павла 2-е послание к коринфянам Прп.: 2Кор.4:6-15 (зач. 176). 4:6 4:7 4:8 4:9 4:10 4:11 4:12 4:13 4:14 4:15 Синодальный Языки [Зач. 176.] потому что Бог, повелевший из тьмы воссиять свету, озарил наши сердца, дабы просветить нас познанием славы Божией в лице Иисуса Христа. Но сокровище сие мы носим в глиняных сосудах, чтобы преизбыточная сила была приписываема Богу, а не нам. Мы отовсюду притесняемы, но не стеснены; мы в отчаянных обстоятельствах, но не отчаиваемся; мы гонимы, но не оставлены; низлагаемы, но не погибаем. Всегда носим в теле мертвость Господа Иисуса, чтобы и жизнь Иисусова открылась в теле нашем. Ибо мы живые непрестанно предаемся на смерть ради Иисуса, чтобы и жизнь Иисусова открылась в смертной плоти нашей, так что смерть действует в нас, а жизнь в вас. [Зач. 177.] Но, имея тот же дух веры, как написано: я веровал и потому говорил, и мы веруем, потому и говорим, зная, что Воскресивший Господа Иисуса воскресит через Иисуса и нас и поставит перед Собою с вами. Ибо всё для вас, дабы обилие благодати тем бо́льшую во многих произвело благодарность во славу Божию. Евангелие от Луки Лк.14:25–35 (зач. 77). 14:25 14:26 14:27 14:28 14:29 14:30 14:31 14:32 14:33 14:34 14:35 Синодальный Языки [Зач. 77.] С Ним шло множество народа; и Он, обратившись, сказал им: если кто приходит ко Мне и не возненавидит отца своего и матери, и жены и детей, и братьев и сестер, а притом и самой жизни своей, тот не может быть Моим учеником; и кто не несет креста своего и идёт за Мною, не может быть Моим учеником. Ибо кто из вас, желая построить башню, не сядет прежде и не вычислит издержек, имеет ли он, что нужно для совершения ее, дабы, когда положит основание и не возможет совершить, все видящие не стали смеяться над ним, говоря: этот человек начал строить и не мог окончить? Или какой царь, идя на войну против другого царя, не сядет и не посоветуется прежде, силен ли он с десятью тысячами противостать идущему на него с двадцатью тысячами? Иначе, пока тот еще далеко, он пошлет к нему посольство просить о мире. Так всякий из вас, кто не отрешится от всего, что имеет, не может быть Моим учеником. Соль – добрая вещь; но если соль потеряет силу, чем исправить ее? ни в землю, ни в навоз не годится; вон выбрасывают ее. Кто имеет уши слышать, да слышит! Евангелие от Луки Лк.21:12-19 21:12 21:13 21:14 21:15 21:16 21:17 21:18 21:19 Синодальный Языки [Зач. 106.] Прежде же всего того возложат на вас руки и будут гнать вас, предавая в синагоги и в темницы, и поведут пред царей и правителей за имя Мое; будет же это вам для свидетельства. Итак, положите себе на сердце не обдумывать заранее, что отвечать, ибо Я дам вам уста и премудрость, которой не возмогут противоречить ни противостоять все, противящиеся вам. Преданы также будете и родителями, и братьями, и родственниками, и друзьями, и некоторых из вас умертвят; и будете ненавидимы всеми за имя Мое, но и волос с головы вашей не пропадет, – терпением вашим спасайте души ваши. Апостола Павла 2-е послание к Тимофею 2Тим.2:1-10 2:1 2:2 2:3 2:4 2:5 2:6 2:7 2:8 2:9 2:10 Синодальный Языки [Зач. 292.] Итак укрепляйся, сын мой, в благодати Христом Иисусом, и что слышал от меня при многих свидетелях, то передай верным людям, которые были бы способны и других научить. Итак переноси страдания, как добрый воин Иисуса Христа. Никакой воин не связывает себя делами житейскими, чтобы угодить военачальнику. Если же кто и подвизается, не увенчивается, если незаконно будет подвизаться. Трудящемуся земледельцу первому должно вкусить от плодов. Разумей, что я говорю. Да даст тебе Господь разумение во всем. Помни Господа Иисуса Христа от семени Давидова, воскресшего из мертвых, по благовествованию моему, за которое я страдаю даже до уз, как злодей; но для слова Божия нет уз. Посему я все терплю ради избранных, дабы и они получили спасение во Христе Иисусе с вечною славою. Евангелие от Иоанна Ин.15:17-16:2 15:17 15:18 15:19 15:20 15:21 15:22 15:23 15:24 15:25 15:26 15:27 Глава 16 16:1 16:2 Синодальный Языки [Зач. 52.] Сие заповедаю вам, да любите друг друга. Если мир вас ненавидит, знайте, что Меня прежде вас возненавидел. Если бы вы были от мира, то мир любил бы свое; а как вы не от мира, но Я избрал вас от мира, потому ненавидит вас мир. Помните слово, которое Я сказал вам: раб не больше господина своего. Если Меня гнали, будут гнать и вас; если Мое слово соблюдали, будут соблюдать и ваше. Но все то сделают вам за имя Мое, потому что не знают Пославшего Меня. Если бы Я не пришел и не говорил им, то не имели бы греха; а теперь не имеют извинения во грехе своем. Ненавидящий Меня ненавидит и Отца Моего. Если бы Я не сотворил между ними дел, каких никто другой не делал, то не имели бы греха; а теперь и видели, и возненавидели и Меня и Отца Моего. Но да сбудется слово, написанное в законе их: возненавидели Меня напрасно. Когда же приидет Утешитель, Которого Я пошлю вам от Отца, Дух истины, Который от Отца исходит, Он будет свидетельствовать о Мне; а также и вы будете свидетельствовать, потому что вы сначала со Мною. Сие сказал Я вам, чтобы вы не соблазнились. Изгонят вас из синагог; [Зач. 53.] даже наступает время, когда всякий, убивающий вас, будет думать, что он тем служит Богу. ...... Сюжет Это, одно из самых неоднозначных произведений художника, было представлено миру в 1902 году. Основой сюжета, являются слова Христа: «Приидите ко Мне вси труждающиися и обремененнии, и Аз упокою вы». (Мф. 11:28). Эта же фраза считается неофициальным вторым названием картины. Описание Нестеров изображает Святую Русь очень поэтично: где человек и природа объединены молитвенным созерцанием. Художник создает свой тип пейзажа, «нестеровский». Его пейзажи и природа на них – природа средней полосы России, неброская, с приглушенными красками. На картине мы видим застывшие в безмолвии березы, остроконечные, словно настороженно чего-то ожидающие ели, вдали за заснеженными холмами виднеется скованная льдом река… Здесь нет ничего яркого и вызывающего, типичный для художника пейзаж с приглушенными красками. Происходящее действие похоже на видение: реальное и мистическое начало сливаются. Перед зрителем восстают давно ушедшие образы глубокой старины. К Христу пришли богомольцы. Каждая фигура символична: мы видим простых крестьян, детей и женщин, странников, лиц монашеского звания, представителей интеллигенции. Центральная фигура композиции – Иисус Христос. Позади Спасителя стоят святые, особо почитаемые в России – Николай Чудотворец, Сергий Радонежский и Георгий Победоносец. Они изображены на фоне монашеского скита, расположенного в глухой лесистой долине. Композиция картины распадается на две части. Правую, большую часть, занимают изображения пришедших к Христу богомольцев. Старик, упавший перед Господом на колени, олицетворяющий весь боголюбивый русский народ; удивленные и вдохновленные лица детей, увидевших чудо; девочка, глазам своим не веря, приложила от удивления руки в груди. Крестьян сопровождают монахи в типичных монашеских одеждах. Каждого из этих персонажей отличают глубокая индивидуальность, своеобразие психологического состояния. Одно время Нестеров полагал ввести в картину Максима Горького. Он сделал с него портретный этюд и даже наметил его лицо на полотне (по центру на заднем плане). Но после опубликования поэмы Горького «Человек» (1904), проникнутой ницшеанским духом, Нестеров заменил его изображением сестры милосердия Кобчевской. Картина символизирует изначальную православную веру. На фоне поэтически переданного русского пейзажа представлены идеальные, просветлённые образы людей, наделённых чистой душевной красотой. Вся земля показана здесь как храм; в снежном убранстве леса и поля, маленькая скитская деревянная церковь, символизирующая открытость и простоту и одновременно глубину православной веры. Нестеров так определял основную тему картины: «…люди, измученные печалью, страстями и грехом, с наивным упованием ищут забвения в божественной «поэзии христианства»». В другом письме он так рисует уже увиденную им композицию: «Среди зимнего северного пейзажа притаился монастырь. К нему идут-бредут и стар, и млад со всей земли. Тут всяческие «калеки», люди, ищущие своего Бога, искатели идеала, которыми полна наша «святая Русь». История Творчество Михаила Васильевича Нестерова всегда стояло как бы особняком в русской живописи: он рисовал особую Русь, преимущественно монашескую. Свои сюжеты Нестеров брал как из жизни, много путешествуя по стране, так и из художественной литературы. Многие картины мастера были прямым откликом на произведения Павла Ивановича Мельникова-Печерского о жизни старообрядцев, но и в то же время списаны с самой жизни. Сам М. В. Нестеров отмечал: «Когда я был молодой, романы его мне очень нравились. Читал я их и перечитывал – и все нравилось. Но вот что скажу, не иллюстрировал я их… Я не писал иллюстраций к роману Мельникова нет, нет! Я сам все это, старообрядцев-то видел: стариков, мужчин, женщин с их одеждами, кладбища, молельни, книги, – сам все это видел, и у нас здесь в Москве, и на Волге. Интересовался я этим… А Мельников-то вот как тут пришелся: много раз читал я его и поддался, должно быть, задумал написать красками роман в картинах… Не по Мельникову, не иллюстрации к нему, а свой!» На основе натурных этюдов на Соловках и в Хотькове художник сумел создать убедительные образы собравшихся. Здесь можно увидеть и людей особенно близких автору. Прототипами женских образов стали мать художника (на картине — схимонахиня), его сестра (женщина в ковровом платке) и няня (женщина в платке в центре картины, с ее обликом мастер связывал свое представление о русской красавице). Михаил Нестеров писал «Святую Русь» шесть лет. Задумка возникла еще в 1901 году, когда художник решил отойти от росписей церквей и вернуться к станковой живописи. Для поиска типажей Нестеров уезжал в Соловецкий монастырь на Белом море: ему хотелось подробней рассмотреть старинный уклад жизни монахов среди суровой природы. Нестеров так сформулировал цель работы: «Хочу подвести итог моих лучших помыслов, лучшей части самого себя» (так он выразился в письме к своему другу, художнику Александру Турыгину). Нестеров хотел создать нечто наподобие ивановского «Явление Христа народу» – одной из любимейших его картин. При этом он намеревался продемонстрировать, как русский народ сам движется к идеалу – ко Христу. К подобной теме он уже обращался при росписи Марфо-Мариинской церкви в Москве. Многовековая традиция не допускала изображать на фресках никого, кроме святых и лиц, с кем связаны их жития и деяния. Художник сделал несколько набросков картины на фоне весеннего и осеннего пейзажей. В окончательном варианте изобразил зиму. «Полгода зимы – это удел русского народа», – позже объяснил он свой выбор. Картина «Святая Русь» стала центральной в нестеровской выставке, которая открылась 5 января 1907 года в Петербурге. Скрытый смысл полотна заключается в том, что вся русская земля с великолепием ее природы и людей, на ней живущих, является Святой Русью. Ее можно также интерпретировать как ответ людям на вопрос, в чем заключается величие их Родины – в чистой православной вере. Критика Философ Иван Ильин, духовно очень близкий Нестерову, позднее писал: «Русь именуется „святою“ не потому, что в других странах нет святости; это не гордыня наша и не самопревознесение… Русь именуется „святою“ и не потому, что в ней нет греха и порока; или что в ней все люди – святые <…>, но потому, что в ней живет глубокая, никогда не истощающаяся, а, по греховности людской, и не утоляющаяся жажда праведности, мечта приблизиться к ней, душевно приклониться перед ней, художественно отождествиться с ней, стать хотя бы слабым отблеском ее… А в этой жажде праведности человек прав и свят… Когда мы говорим о „Святой Руси“, то не для того, чтобы закрыть себе глаза на эти пределы человеческого естества и наивно и горделиво идеализировать свой народ; но для того, чтобы утвердить, что рядом с несвятой Русью (и даже в той же самой душе!) всегда стояла и Святая Русь, молитвенно домогавшаяся ко Господу и достигавшая Его лицезрения». Нестеров с нетерпением ждал оценки В. В. Розанова, чьи интуицию и глубину постижения предмета ставил необычайно высоко. Розанов увидел «Святую Русь» на персональной выставке художника в Петербурге. Впечатление от картины было таково: «Нестеров не иконописен. Не его дело писать „Бога“, а только „как человек прибегает к Богу“. На его большом полотне „Святая Русь“ это сказалось с необыкновенной яркостью! Левая часть, где стоят Спаситель и за Ним „особо чтимые“ на Руси угодники <…> – эту часть хочется закрыть руками <…>. Но, закрыв или отбросив эту левую часть, – почти предаешься восклицаниям, глядя на правую, главную, почти занимающую все полотно <…>. Это молящаяся Русь!» Рекомендуемая литература Святая Русь Азбука веры Святая Русь – наш идеал архиеп. Аверкий (Таушев) Судьбы «Святой Руси» проф. А.В. Карташёв Значение Православия в жизни и исторической судьбе России А.А. Царевский История государства Российского Н.М. Карамзин

Минея, 15 Мая, Кано́н Глас 4 Песнь 1 Ирмос: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́. Припев: Святи́телю о́тче Иса́ие, моли́ Бо́га о на́с. Твоего́, Христе́, уго́дника, блаже́ннаго Иса́ию, пе́ти ми жела́ющу, моли́твами его́,/ я́ко Бог, осия́ние Всесвята́го Ду́ха да́руй ми/ и свет прему́дрости Твоея́,/ да достойно воспою́ того́ чудеса́. Припев: Святи́телю о́тче Иса́ие, моли́ Бо́га о на́с. Прииди́те, ве́рнии, церко́внаго свети́льника, и столпа́ непоколеби́ма,/ и правосла́вия учи́теля, и благоче́стия пропове́дника,/ блаже́ннаго Иса́ию достохва́льными пе́сньми почти́м. Сла́ва Отцу́ и Сы́ну и Свято́му Ду́ху. Я́ко святи́тель ве́рен и па́стырь и́стинный Росто́вския Це́ркве быв/ и слове́снаго ста́да Христо́ва,/ но́вых люде́й неле́стный учи́тель яви́лся еси́, блаже́нне Иса́ие,/ и́хже научи́л еси́ сла́вити Бо́жия вели́чия. И ны́не и при́сно и во ве́ки веко́в. Ами́нь. Богородичен: Ма́рию Чи́стую, прииди́те вси, воспое́м,/ еди́ну, украси́вшую челове́чество и ро́ждшую Бо́га воплоще́нна,/ Де́ву же пребы́вшую неврежде́нну. Песнь 3 Ирмос: Твоя́ песносло́вцы, Богоро́дице,/ живы́й и незави́стный исто́чниче,/ лик Себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би. Припев: Святи́телю о́тче Иса́ие, моли́ Бо́га о на́с. Глаго́лы Боже́ственными, де́лы же и уче́нии пресла́вными/ по всему́ уподо́бися пресла́вным апо́столом/ и обтече́ всю Росси́йскую зе́млю, и́дольскую лесть попаля́я,/ просвеща́я же ве́рных сердца́ благода́тию. Припев: Святи́телю о́тче Иса́ие, моли́ Бо́га о на́с. От младе́нства Христа́ вожделе́в,/ кра́сная ми́ра сего́ вся уме́ты вмени́л еси́,/ по апо́столу, о́тче, Вы́шних ища́,/ Христо́вою же благода́тию святи́тельства сподо́бился еси́/ и Росто́ву па́стырь но́вым лю́дем посыла́ешися, и́хже и научи́л еси́/ и на Небесе́х венцы́ сла́вы восприя́л еси́. Сла́ва Отцу́ и Сы́ну и Свято́му Ду́ху. Свята́го Ду́ха благода́тию/ и́дольское изоста́вшее нече́стие до конца́ потреби́л еси́ в Росси́йстей земли́,/ побо́рник вои́стинну правосла́вия яви́вся кре́пкий./ Тем просвети́л еси́ твои́ми уче́нии Росси́йския концы́. И ны́не и при́сно и во ве́ки веко́в. Ами́нь. Богородичен: Пое́м, Де́во Богома́ти,/ па́че естества́ рождество́ Твое́ и Твою́ нетле́нную чистоту́,/ и́бо в Тебе́ во еди́но сочета́ся де́вство и рождество́. Седален, глас 8 От мирски́я молвы́ избежа́в, и Христо́во и́го восприи́м,/ и за́поведи соверши́в, па́стырь оби́тели быва́еши,/ пото́м же и на святи́тельском седа́лищи сед,/ богоуго́дно пожи́л еси́/ и, лю́ди правосла́вию научи́в, на Небеса́ восте́кл еси́,/ у престо́ла Вседержи́теля со А́нгелы предстоя́, святи́телю блаже́нне,/ моли́ся о рабе́х твои́х. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен: О Тебе́ ра́дуется, Благода́тная, вся́кая тварь,/ а́нгельский собо́р и челове́ческий род,/ освяще́нный хра́ме и раю́ слове́сный,/ де́вственная похвало́, из Нея́же Бог воплоти́ся/ и Младе́нец бысть пре́жде век сый Бог наш,/ ложесна́ бо Твоя́ престо́л сотвори́ и чре́во Твое́ простра́ннее небе́с соде́ла./ О Тебе́ ра́дуется, Благода́тная, вся́кая тварь, сла́ва Тебе́. Песнь 4 Ирмос: Седя́й в сла́ве на престо́ле Божества́/ во о́блаце ле́гце,/ прии́де Иису́с Пребоже́ственный,/ Нетле́нною Дла́нию и спасе́ зову́щия:/ сла́ва, Христе́, си́ле Твое́й. Припев: Святи́телю о́тче Иса́ие, моли́ Бо́га о на́с. Седя́ща во сла́ве Го́спода проро́к Иса́ия дре́вле узре́в/ и от Серафи́ма клеща́ми угль прии́м, очи́стися./ Ты же, святи́телю, всегда́ Го́сподеви предстои́ши со мно́жеством Безпло́тных/ и, Серафи́мом подо́бяся, я́коже клеща́ми, твои́ми рука́ми те́ло Христо́во прие́млеши/ и ве́рным подае́ши, непреста́нно вопия́:/ сла́ва си́ле Твое́й, Го́споди. Припев: Святи́телю о́тче Иса́ие, моли́ Бо́га о на́с. Любо́вию Бо́жиею па́че огня́ распала́емь, о́тче,/ обходя́ гра́ды и ве́си в Росто́встей и Су́ждальстей о́бласти,/ и́дольская ка́пища разоря́я, це́ркви же созида́я,/ лю́ди научи́л еси́ пе́ти:/ сла́ва си́ле Твое́й, Го́споди. Сла́ва Отцу́ и Сы́ну и Свято́му Ду́ху. Пресла́вный и чу́дный Лео́нтий, я́ко благоцвету́щ сад, насади́ росто́вский лю́ди,/ просвети́в их святы́м Креще́нием./ Ты же, блаженне, до конца́ сих напои́л еси́ твои́м уче́нием/ и ко Христу́, я́ко зрел плод, прине́сл еси́, с весе́лием вопия́:/ сла́ва си́ле Твое́й, Го́споди. И ны́не и при́сно и во ве́ки веко́в. Ами́нь. Богородичен: От ма́терних пеле́н чи́сто житие́ име́л еси́, блаже́нне,/ и сего́ ра́ди Пречи́стыя Богоро́дицы изря́дный служи́тель быв,/ Сию́ возвели́чил еси́ в росси́йских страна́х и научи́л еси́ пе́ти:/ сла́ва си́ле Твое́й, Пречи́стая. Песнь 5 Ирмос: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая. Припев: Святи́телю о́тче Иса́ие, моли́ Бо́га о на́с. Удивля́ется святи́тель, князь же и вси лю́дие/ ско́рому твоему́ прише́ствию ко освяще́нию Пречи́стыя це́ркве:/ А́нгелом бо зван был еси́ и о́блаком носи́м,/ я́коже дре́вле апо́столи, на успе́ние Бо́жия Ма́тере./ Те́мже тя всем воспева́ющим мир подава́еши. Удиви́шася Ангельстии чи́нове преславному твоему житию,/ како в бреннем телеси́ безплотнаго врага победил еси́, блаженне,/ и, воздушными темными князьми́ не удержан быв,/ престола Христова дости́гл еси́ к превышним силам,/ и оттуду мир нам подававши. Сла́ва Отцу́ и Сы́ну и Свято́му Ду́ху. Удивля́ются христоимени́тии лю́дие, егда́ обрето́ша пречестно́е твое́ те́ло,/ е́же мно́гими ле́ты земле́ю покрове́но,/ и яви́ся, я́коже златоза́рное со́лнце,/ чуде́с лучи́ испуща́я и просвеща́я ве́рных сердца́,/ и воспева́ющим Го́сподеви мир подава́еши. И ны́не и при́сно и во ве́ки веко́в. Ами́нь. Богородичен: Умилосе́рдися, Влады́чице, на непотре́бныя Твоя́ рабы́/ и не преда́ждь нас в ру́це пога́ных грех ра́ди на́ших,/ но моли́тв на́ших не пре́зри, во Твою́ це́рковь притека́ющим/ и вопию́щим Ти, мир подаю́щи. Песнь 6 Ирмос: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим. Припев: Святи́телю о́тче Иса́ие, моли́ Бо́га о на́с. Боже́ственною благода́тию укрепля́емь, апо́столом ревни́тель быв,/ Росси́йския вся концы́ научи́л еси́ благоче́стию/ и вся нечести́вая уче́ния до конца́ потреби́л еси́./ Те́мже твою́ па́мять све́тло пра́зднуем. Припев: Святи́телю о́тче Иса́ие, моли́ Бо́га о на́с. Гроб честна́го твоего́ телесе́ иногда́ в небреже́нии бысть,/ и от святи́теля, твой престо́л держа́щаго и к тебе́ любо́вь показу́юща, отту́ду прено́сится,/ я́вственно ны́не полага́ется, источа́ющий исцеле́ния всем. Сла́ва Отцу́ и Сы́ну и Свято́му Ду́ху. И́же всегда́ к ра́це моще́й твои́х приступа́юще,/ любе́зно ту целу́ем и от души́ вопие́м ти:/ святи́телю блаже́нне Иса́ие, моли́ся приле́жно за град и лю́ди,/ и скорбь на́шу в ра́дость претвори́,/ и грехо́в проще́ние испроси́. И ны́не и при́сно и во ве́ки веко́в. Ами́нь. Богородичен: Притеце́м, ве́рнии, в це́рковь Бо́жия Ма́тере/ и, ве́рно моля́щеся, возопие́м Ей:/ поми́луй, Влады́чице, Твое́ достоя́ние/ и от враг изба́ви уго́дника Твоего́ Иса́ии моли́твами. Кондак, глас 3 Я́ко гром, возгреме́л еси́ Боже́ственными твои́ми уче́нии в Росси́йстей земли́/ и яви́лся еси́ свети́льник пресве́тел,/ осия́я све́том Богоразу́мия, Иса́ие блаже́нне./ Те́мже вопие́м ти́:/ Христа́ Бо́га моли́ непреста́нно о всех нас. Икос Прииди́те, богоизбра́ннии христоимени́тии собо́ри,/ похва́лим ны́не и пе́сньми почти́м светоно́сную па́мять пречу́днаго отца́, блаже́ннаго Иса́ии,/ апо́столом ра́внаго, благоче́стия пропове́дника,/ наста́вника же и учи́теля росси́йскому язы́ку:/ яви́ бо ся, я́ко свети́льник незаходи́мый, во тьме су́щим неве́дения,/ и всех возводя́ к Боже́ственней высоте́,/ и на па́житех зако́на живоно́снаго тех упасе́,/ и исцеле́ний луча́ми всех просвеща́я./ Те́мже мо́лим тя ны́не:/ облиста́й в сердца́ раб твои́х незаходи́мый свет ра́зума, Христо́в уго́дниче,/ и моли́ непреста́нно о всех нас. Песнь 7 Ирмос: Не послужи́ша тва́ри Богому́дрии,/ па́че Созда́вшаго,/ но о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́. Припев: Святи́телю о́тче Иса́ие, моли́ Бо́га о на́с. Не слу́жат ктому́ росси́йстии сы́нове тьме пре́лести,/ но тобо́ю, о́тче, и́стинный Богоразу́мия свет позна́ша/ и, непреста́нно ра́дующеся, ны́не Христу́ вопию́т:/ благослове́н Бог оте́ц на́ших. Припев: Святи́телю о́тче Иса́ие, моли́ Бо́га о на́с. Пра́зднует Це́рковь че́стно твое́ преставле́ние:/ житие́ бо благоче́стно на земли́ соверши́л еси́, чу́дне,/ и плод стори́чествующий Влады́це твоему́ прине́сл еси́,/ и от Него́ прия́л еси́ венцы́ сла́вы неизрече́нныя, непреста́нно вопия́:/ благослове́н Бог оте́ц на́ших. Сла́ва Отцу́ и Сы́ну и Свято́му Ду́ху. И́же во искуше́ниих и ско́рбех су́щий,/ к ра́це моще́й твои́х притека́юще, прие́млют честна́я исцеле́ния/ от я́же в тебе́ Боже́ственныя благода́ти/ и непреста́нно Христу́ вопию́т:/ благослове́н Бог оте́ц на́ших. И ны́не и при́сно и во ве́ки веко́в. Ами́нь. Богородичен: Укрепи́, Влады́чице, сла́вящия Тя ве́рныя лю́ди на проти́вныя враги́,/ я́ко Дави́да на Голиа́фа, да, веселя́щеея, вопие́м Ти:/ ра́дуйся, покро́ве святы́й и Засту́пнице гра́ду на́шему. Песнь 8 Ирмос: О́троки благочести́выя в пещи́/ Рождество́ Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки. Припев: Святи́телю о́тче Иса́ие, моли́ Бо́га о на́с. Блаже́нную жизнь пожи́л еси́ в житии́ сый,/ и со святи́тельскими ли́ки у престо́ла Христо́ва, ра́дуяся, предстои́ши,/ Боже́ственное насле́див наслажде́ние, и непреста́нно вопие́ши:/ Го́спода воспева́йте дела́, и превозноси́те Его́ во вся ве́ки. Припев: Святи́телю о́тче Иса́ие, моли́ Бо́га о на́с. Боже́ственнаго Ду́ха благода́ть име́я в души́ твое́й, блаже́нне Иса́ие,/ обте́кл еси́ Росси́йскую зе́млю, я́ко мо́лния,/ разсевая Бо́жие сло́во во всех страна́х, просвеща́я всех и науча́я:/ Го́спода воспева́йте дела́, и превозноси́те Его́ во вся ве́ки. Сла́ва Отцу́ и Сы́ну и Свято́му Ду́ху. Слове́сныя плоды́ Го́сподеви принося́, Иса́ие прему́дре,/ озари́л еси́ твое́й па́стве свет Богоразу́мия,/ и нечести́вая уста́ загради́л еси́ пра́щею Богодохнове́нных слове́с твои́х,/ и я́сно всем пропове́дал еси́:/ Го́спода воспева́йте дела́, и превозноси́те Его́ во вся ве́ки. И ны́не и при́сно и во ве́ки веко́в. Ами́нь. Богородичен: На благодея́ние челове́ком Сло́во воплоти́тися изво́ли,/ де́вства бо врата́ прои́де я́ко Госпо́дь и Богоро́дицу показа́./ Тем зове́м:/ Го́спода воспева́йте дела́, и превозноси́те Его́ во вся ве́ки. Песнь 9 Ирмос: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во. Припев: Святи́телю о́тче Иса́ие, моли́ Бо́га о на́с. Кто мо́жет, блаже́нне, по достоя́нию тя восхвали́ти?/ Исцеле́ния бо неоску́дно подава́еши приходя́щим к тебе́ с ве́рою и непреста́нно вопию́щим:/ изба́ви, святи́телю, от вся́ких искуше́ний/ и до конца́ неврежде́нных нас соблюди́.Кто мо́жет, блаже́нне, по достоя́нию тя восхвали́ти?/ Исцеле́ния бо неоску́дно подава́еши приходя́щим к тебе́ с ве́рою и непреста́нно вопию́щим:/ изба́ви, святи́телю, от вся́ких искуше́ний/ и до конца́ неврежде́нных нас соблюди́. Припев: Святи́телю о́тче Иса́ие, моли́ Бо́га о на́с. Оќрест стоя́ще ра́ки моще́й твои́х,/ с любо́вию ту, припа́дающе, целу́ем и ве́рно ти вопие́м, блаже́нне:/ поми́луй святи́теля, престо́л твой ны́не украша́ющаго,/ и до конца́ его́ сохрани́ невреди́ма,/ христолюби́вым лю́дем на сопроти́вныя побе́ды да́руй и на враги́ одоле́ние. Сла́ва Отцу́ и Сы́ну и Свято́му Ду́ху. Приими́ хвалу́ от раб недосто́йных, святи́телю Иса́ие,/ и жития́ сего́ непостоя́нную пучи́ну да́руй нам немяте́жно преийти́,/ и моли́тву о нас к Бо́гу сотвори́, че́стно почита́ющих твою́ па́мять,/ и одержа́щих зол и жду́щих нас изба́ви, да во ве́ки тебе́ велича́ем. И ны́не и при́сно и во ве́ки веко́в. Ами́нь. Богородичен: Прииди́те, христоимени́тии лю́дие,/ в честну́ю це́рковь Бо́жия Ма́тере/ и, покло́ншеся пречу́дному Ея́ о́бразу и ру́це возде́вше, от се́рдца возопие́м:/ поми́луй нас, Богоро́дице, недосто́йных раб Твои́х, и град наш,/ в не́мже вели́кое Твое́ и многосла́вное и́мя велича́ется,/ от всех злых свободи́ уго́дника Твоего́ Иса́ии моли́твами,/ да во ве́ки Тебе велича́ем, Чи́стая. Светилен Я́коже пресве́тлая заря́ светоно́сна,/ яви́ся днесь па́мять твоя́, святи́телю преблаже́нне Иса́ие,/ предвозвеща́ющи нам пресве́тлаго со́лнца незаходи́мый свет,/ пречу́днаго Лео́нтия светоно́сный пра́здник,/ да моли́твами ва́шими прии́мем оставле́ние грехо́в. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен: Пощади́ мя, Го́споди, пощади́ мя, егда́ прии́деши суди́ти,/ и не осуди́ мене́ во огнь, ни я́ростию же обличи́ мене́,/ мо́лит Тя Де́ва Чи́стая, ро́ждшая Тя, Христе́,/ и А́нгел мно́жество со проро́ки, и святи́тели, и му́ченики.

Минея, 15 Мая, Кано́н Глас 2 Песнь 1 Ирмос: Во глубине́ постла́ иногда́/ фараони́тское всево́инство преоруже́нная си́ла,/ вопло́щшееся же Сло́во всезло́бный грех потреби́ло есть,/ препросла́вленный Госпо́дь, сла́вно бо просла́вися. Припев: Святы́й благове́рный царе́вичу Дими́трие, моли́ Бо́га о на́с. Му́ченика Твоего́, Христе́, Дими́трия, пе́ти мне жела́ющему,/ моли́твами его́, я́ко Благ, осия́ние Пресвята́го Ду́ха да́руй,/ да воспою́ све́тло Твоего́ уго́дника торжество́. Припев: Святы́й благове́рный царе́вичу Дими́трие, моли́ Бо́га о на́с. Умертви́вшему кре́пость сме́рти подо́бяся, му́чениче Дими́трие,/ от раба́ заколе́ние претерпе́л еси́/ и, пресла́вно в Небе́сныя оби́тели всели́вся,/ трудо́в воздая́ние прия́л еси́, прехва́льне. Сла́ва Отцу́ и Сы́ну и Свято́му Ду́ху. Честна́я твоя́ па́мять, му́чениче, освяща́ющи мир, приспе́./ Ра́дуется же днесь пресла́вный град Москва́,/ твоего́ блага́го получи́в заступле́ния, и, благода́ря, Спа́су вопие́т:/ препросла́вленный Госпо́дь, я́ко просла́вися. И ны́не и при́сно и во ве́ки веко́в. Ами́нь. Богородичен: О Тебе́ ны́не проро́чество соверши́ся,/ Богороди́тельнице Влады́чице Чи́стая,/ Его́же бо провозвести́ша высокогла́сно вси проро́цы,/ Того́, Невмести́маго, пресла́вно во чре́ве вмести́ла еси́,/ во двою́ естеству́ соверше́нна Бо́га же и Челове́ка. Песнь 3 Ирмос: Процвела́ есть пусты́ня, я́ко крин, Го́споди,/ язы́ческая неплодя́щая, Це́рковь/ прише́ствием Твои́м,/ в не́йже утверди́ся мое́ се́рдце. Припев: Святы́й благове́рный царе́вичу Дими́трие, моли́ Бо́га о на́с. Егда́ оста́вль земна́го ми́ра те́мность,/ страда́льчески же обагре́но кро́вию те́ло твое́ скрыв на У́глече,/ ду́шу в Небе́сныя оби́тели, Дими́трие, всели́л еси́, прехва́льне. Припев: Святы́й благове́рный царе́вичу Дими́трие, моли́ Бо́га о на́с. Но́щи и тьмы сы́нове нареко́шася уби́йцы беззако́ннии:/ я́ко а́гнца бо тя непоро́чна, ноже́м сбодо́ша,/ хода́таи твоему́ венцу́ Боже́ственному, Дими́трие, бы́вше. Сла́ва Отцу́ и Сы́ну и Свято́му Ду́ху. Исцеле́ния струи́ источа́еши/ ко гро́бу твоему́, му́чениче Дими́трие, ве́рою притека́ющим,/ благода́рно же ра́дование подае́ши пою́щим:/ несть свят, я́коже Бог наш. И ны́не и при́сно и во ве́ки веко́в. Ами́нь. Богородичен: Мари́е, злата́я кади́льнице,/ страсте́й мои́х отжени́ смрад и утверди́ мя,/ коле́блема прираже́ньми лука́ваго ратобо́рца. Седален, глас 4 Наста́, празднолю́бцы, све́тлое торжество́,/ па́мять сла́вная страстоно́сца Христо́ва,/ веселя́щи вся́ческая, сия́ющи в ми́ре заря́ми чуде́с/ Те́мже непреста́нную благода́ть твои́ми моли́твами/ у Христа́ испроси́, му́чениче Дими́трие, душа́м на́шим и ве́лию ми́лость. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен: Де́во Всенепоро́чная, Я́же пресу́щнаго Бо́га ро́ждшая,/ с му́чеником Того́ непреста́нно моли́/ оставле́ние прегреше́ний и исправле́ние жития́ да́ти нам пре́жде конца́,/ ве́рою и любо́вию пою́щим Тя по до́лгу, еди́на Всепе́тая. Песнь 4 Ирмос: Прише́л еси́ от Де́вы, не хода́тай, ни А́нгел,/ но Сам, Го́споди, вопло́щся,/ и спасл еси́ всего́ мя, челове́ка./ Тем зову́ Ти: сла́ва си́ле Твое́й, Го́споди. Припев: Святы́й благове́рный царе́вичу Дими́трие, моли́ Бо́га о на́с. Кро́вию страда́ния тле́ннаго смра́да избежа́в, Богому́дре,/ вме́сто земна́го Небе́снаго Ца́рствия насле́дник был еси́, страстоте́рпче,/ тем вси, чту́ще, тя ублажа́ем. Припев: Святы́й благове́рный царе́вичу Дими́трие, моли́ Бо́га о на́с. А́нгельскаго селе́ния во дво́рех пребыва́еши/ и в Росси́йстей земли́ благода́ть источа́еши/ к ра́це моще́й твои́х любо́вию припа́дающим, страда́льче, и вопию́щим:/ сла́ва си́ле Твое́й, Го́споди. Сла́ва Отцу́ и Сы́ну и Свято́му Ду́ху. Две́ри Небе́сныя све́тло отверзо́шася, прие́мше тя, му́чениче,/ и Це́рковь тя ны́не име́ет, ликовству́ющи со избра́нными, пою́щи Бо́гу:/ си́ле Твое́й сла́ва, Человеколю́бче. И ны́не и при́сно и во ве́ки веко́в. Ами́нь. Богородичен: Свяще́ннии провозвести́ша дре́вле гла́си чревоноше́ния Твоего́ глубину́,/ и́хже сбытие́ ви́дяще, Чи́стая, пое́м:/ си́ле Твое́й сла́ва, Влады́чице. Песнь 5 Ирмос: Хода́тай Бо́гу и челове́ком был еси́, Христе́ Бо́же:/ Тобо́ю бо, Влады́ко, к Светонача́льнику, Отцу́ Твоему́,/ от но́щи неве́дения/ приведе́ние и́мамы. Припев: Святы́й благове́рный царе́вичу Дими́трие, моли́ Бо́га о на́с. Му́чениче Дими́трие, я́ко звезда́ пресве́тлая, в Росси́йстей земли́ возсия́л еси́,/ Це́рковь Христо́ву све́том Богоразу́мия озари́в,/ тьму же от нея́ отгна́в неве́дения,/ просвети́л еси́ ту пресла́вных чуде́с явле́нием. Припев: Святы́й благове́рный царе́вичу Дими́трие, моли́ Бо́га о на́с. Име́я к Бо́гу дерзнове́ние,/ Боже́ственное твое́ торжество́, му́чениче, творя́щия/ и честно́е твое́ страда́ние ве́рою чи́стою хва́лящия помина́й, преблаже́нне,/ и от бу́ри, и бед, и напа́стей спаса́й. Сла́ва Отцу́ и Сы́ну и Свято́му Ду́ху. Ты, я́ко крин благоцвету́щ, тече́нием кро́ве твоея́ показа́лся еси́, блаже́нне,/ и, грозд мы́сленный виногра́да Христо́ва, благово́нием чуде́с мир облагоуха́л еси́,/ ве́рою тя, му́чениче, сла́вящия. И ны́не и при́сно и во ве́ки веко́в. Ами́нь. Богородичен: Но́во я́ко Младе́нца нам Преве́чное Сло́во родила́ еси́,/ двема́ во́лема и де́йствы су́ща сугу́ба,/ я́ко Челове́ка ку́пно же и Бо́га, Всенепоро́чная. Песнь 6 Ирмос: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́. Припев: Святы́й благове́рный царе́вичу Дими́трие, моли́ Бо́га о на́с. Разже́гся за́вистию, раб уби́йца победи́ся властолю́бием/ и к за́висти уби́йство припле́те:/ закла́ тя, я́ко а́гнца непоро́чна, муч́ениче,/ отмще́ния же пра́веднаго не убежа́. Припев: Святы́й благове́рный царе́вичу Дими́трие, моли́ Бо́га о на́с. И́стинную ча́шу от твои́х крове́й страда́льческих поче́рпл еси́, прехва́льне му́чениче,/ и сию́ всегда́ предлага́еши Це́ркви,/ и пита́еши твои́ми чудесы́, Дими́трие, вопию́щия Христу́:/ от тли, Бо́же, изба́ви нас. Сла́ва Отцу́ и Сы́ну и Свято́му Ду́ху. Я́ко пречестна́ же́ртва, та́йней трапе́зе принесе́н быв заколе́нием, му́чениче,/ в Небе́сных оби́телех пресла́вно водворя́ешися,/ зря сла́ву Бо́жию и прие́мля боле́зней твои́х по́чести и страда́ния. И ны́не и при́сно и во ве́ки веко́в. Ами́нь. Богородичен: На Тя соше́дши роса́ Небе́сная/ и олядене́вшую зе́млю, Присноде́во, Богоразу́мия вода́ми напои́вши,/ многопло́дну яви́. Кондак, глас 8 Возсия́ днесь в сла́вней па́мяти твое́й ве́рным весе́лие,/ я́ко бо доброра́сленный грезн, прозя́бл еси́/ и Христу́ красе́н плод прине́сл еси́ себе́;/ те́мже и по убие́нии твое́м соблюде́ те́ло твое нетле́нно,/ страда́льчески обагре́ное кро́вию./ Благоро́дне свя́те Дими́трие,/ соблюда́й оте́чество твое́ и град твой невреди́м,/ тому́ бо еси́ утвержде́ние. Икос Я́ко а́гнец непоро́чен, кровь твою́ излия́л еси́, Богому́дре Дими́трие,/ и от Благода́теля всех Бо́га чуде́с дар прия́л еси́,/ и вме́сто тле́ннаго обре́л еси́ бога́тство нетле́нное,/ предстои́ши бо престо́лу сла́вы всех Царя́./ Ему́же о нас, му́чениче, моли́ся,/ да твои́ми моли́твами от бед свободи́вшеся, ра́достно возопие́м, глаго́люще:/ ра́дуйся, ве́рных прави́телю./ Ра́дуйся, ве́ры тве́рдое забра́ло./ Ра́дуйся, чу́до чуде́с пресла́вное/ и приста́нище ти́хое притека́ющих к тебе́./ Ра́дуйся, ко́реню ве́ры и моле́бниче о моля́щих ти ся./ Ра́дуйся, оте́честву твоему́ похвала́/ и во́инству на́шему на враги́ побо́рник./ Сохраня́й град твой невреди́м,/ тому́ бо еси́ утвержде́ние. Песнь 7 Ирмос: Богопроти́вное веле́ние беззако́ннующаго мучи́теля/ высо́к пла́мень вознесло́ есть,/ Христо́с же простре́ Богочести́вым отроко́м ро́су духо́вную,/ Сын благослове́н и препросла́влен. Припев: Святы́й благове́рный царе́вичу Дими́трие, моли́ Бо́га о на́с. Собла́зн лука́ваго раба́ и того́ хи́тростей превы́ше,/ я́ко победи́тель изря́ден, му́чениче, быв, просла́вился еси́, зовы́й:/ Бо́же, благослове́н еси́. Припев: Святы́й благове́рный царе́вичу Дими́трие, моли́ Бо́га о на́с. Луча́ми, я́ко звезда́, Собо́рную Це́рковь чудесы́ просвети́л еси́,/ ве́рою же притека́ющим к ра́це моще́й твои́х исцеле́ние неоску́дно подае́ши, преблаже́нне, и зову́щим:/ Бо́же, благослове́н еси́. Сла́ва Отцу́ и Сы́ну и Свято́му Ду́ху. А́ки а́гнец непоро́чен и кади́ло благоприя́тно,/ А́гнцу и́стинному и Па́стырю, му́чениче, прине́слся еси́ в приноше́ние всебога́тно/ и прия́тно всесожже́ние, Ему́же пое́м:/ благослове́н Бог оте́ц на́ших. И ны́не и при́сно и во ве́ки веко́в. Ами́нь. Богородичен: Невеще́ственнаго Све́та вселе́ние Твое́ чре́во быеть,/ светлостьми́ Боже́ственнаго ра́зума безбо́жие отгна́вшаго,/ Пречи́стая Богоневе́сто Отрокови́це./ Ему́же пое́м, взыва́юще:/ благослове́н Бог оте́ц на́ших. Песнь 8 Ирмос: Пещь иногда́ о́гненная в Вавило́не де́йства разделя́ше,/ Бо́жиим веле́нием халде́и опаля́ющая,/ ве́рныя же ороша́ющая, пою́щия:/ благослови́те, вся дела́ Госпо́дня, Го́спода. Припев: Святы́й благове́рный царе́вичу Дими́трие, моли́ Бо́га о на́с. Вшед, му́ениче, в небе́снаго кру́га тече́ния, на доброде́тельный возду́х,/ страда́ньми препоя́сан, Крест за ски́петр в десну́ю ру́ку име́я,/ сца́рствовати Христу́ сподо́бился еси́, Дими́трие царе́виче./ Моли́ спасти́ся нам, пою́щим:/ благослови́те, вся дела́ Госпо́дня, Го́спода. Припев: Святы́й благове́рный царе́вичу Дими́трие, моли́ Бо́га о на́с. Укра́шен ра́зумом, кра́сному Влады́це предстои́ши,/ све́тел при́сно, я́ко победоно́сец Богоприя́тен,/ укроти́ моли́твами твои́ми ва́рварская нахожде́ния/ и низложи́ муча́щее нас искуше́ние,/ согнета́ющее злом во глубину́ поги́бели, страстоте́рпче Дими́трие, пою́щих:/ благослови́те, вся дела́ Госпо́дня, Го́спода. Сла́ва Отцу́ и Сы́ну и Свято́му Ду́ху. Пречестна́я твоя́ па́мять, освяща́ющи мир, приспе́, всехва́льне страстоно́сче,/ в ню́же мо́лимся получи́ти тобо́ю заступле́ние, Дими́трие,/ пою́щим сла́ву блага́го уго́дника:/ благослови́те, вся дела́ Госпо́дня, Го́спода. И ны́не и при́сно и во ве́ки веко́в. Ами́нь. Богородичен: Свяще́нных проро́к честны́й лик Тя пропису́ет, киво́т и несеко́мую го́ру,/ жезл и дверь, е́юже, я́ко весть, про́йде Вы́шний/ и па́ки затворе́ну оста́ви Тя Де́ву. Песнь 9 Ирмос: Безнача́льна Роди́теля Сын, Бог и Госпо́дь,/ вопло́щся от Де́вы, нам яви́ся,/ омраче́нная просвети́ти, собра́ти расточе́нная,/ тем Всепе́тую Богоро́дицу велича́ем. Припев: Святы́й благове́рный царе́вичу Дими́трие, моли́ Бо́га о на́с. Обре́л еси́ от Христа́ возме́здие, му́дре му́чениче,/ пра́вды вене́ц прии́м и ра́дость неконча́емую,/ и, Небе́снаго селе́ния во дво́рех пребыва́я,/ держа́ву оте́чества твоего́ помина́й, му́чениче Дими́трие. Припев: Святы́й благове́рный царе́вичу Дими́трие, моли́ Бо́га о на́с. Егда́ принесе́ни бы́ша честны́я твоя́ мо́щи, страстоте́рпче Дими́трие,/ тогда́ святи́тели, обстоя́ще одр,/ царь же, и кня́зи, и вси росси́йстии наро́ди/ воскли́кнуша ку́пно па́мять ве́чную, Христа́ велича́юще. Сла́ва Отцу́ и Сы́ну и Свято́му Ду́ху. Му́ченик днесь сосло́вие, святы́х и пра́ведных ду́ши,/ я́ко победоно́сца тя и слико́вника прия́ша, му́чениче Дими́трие,/ с ни́миже ра́дуяся, пое́ши Бо́га в Тро́ице, спаса́ющаго ду́ши на́ша. И ны́не и при́сно и во ве́ки веко́в. Ами́нь. Богородичен: Разуме́вше издале́ча прозорли́выма очи́ма, проро́цы/ Тя я́ве провозвести́ша, хотя́щую Ма́терь бы́ти Вседе́телю и всех Влады́це./ Тем Тя пое́м, Всепе́тая Богоро́дице,/ и испове́дуем, я́ко вои́стинну су́щую Богоро́дицу. Светилен Я́ко цвет красне́йший, от ца́рска прозя́бл еси́ ко́рене, прекра́сне Дими́трие,/ и обагре́нием страда́ния твоего́, я́ко ца́рскою порфи́рою, обагри́лся еси́ кро́вию./ Тем всечестну́ю твою́ па́мять любо́вию творя́щия от бед спаса́й. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен: Стоя́ще о́крест Тебе́ де́вы Богому́дрыя, Богороди́тельнице Мари́е,/ я́коже царе́вы дще́ре, Сы́ну Твоему́ приведо́шася невестоле́пно, Пречи́стая, я́ко Царю́ вся́ческих,/ Его́же, Ма́ти Де́во Отрокови́це, о нас моли́.

Богослужебные указания за 28 мая 2024 года 15. Вторник 4-й седмицы по Пасхе. Прп. Пахомия Великого. Блгв. царевича Димитрия, Угличского и Московского. Свт. Исаии, еп. Ростовского, чудотворца. Прп. Евфросина Псковского. Прп. Пахомия Нерехтского (службу зри 21 марта). Служба прп. Пахомия Великого шестеричная, совершается вместе со службой Триоди (А). Приводим также порядок совершения полиелейной службы блгв. царевича Димитрия, Угличского и Московского, в соединении со службой Триоди (Б). А. На вечерне кафизма 6-я. На «Господи, воззвах» стихиры на 6: праздника Триоди, глас 1-й – 3 (первая стихира – дважды), и преподобного, глас 6-й – 3. «Слава» преподобного, глас тот же: «Еже по образу…», «И ныне» – праздника Триоди, глас 5-й: «Взыде Иисус во Иерусалим…». Входа нет. Прокимен дня. На стиховне стихиры Триоди, глас 3-й. «Слава» – преподобного, глас 6-й: «Преподобне отче…», «И ныне» – праздника Триоди, глас 8-й: «В притворе Соломонове…». По Трисвятом – тропарь воскресный, глас 3-й: «Да веселятся небесная…». «Слава» – тропарь преподобного, глас 8-й, «И ныне» – Богородичен воскресный, глас тот же: «Иже нас ради…». На утрене на «Бог Господь» – тропарь воскресный, глас 3-й: «Да веселятся небесная…» (дважды). «Слава» – тропарь преподобного, глас 8-й, «И ныне» – Богородичен воскресный, глас тот же: «Иже нас ради…». Кафизмы 7-я и 8-я. Малые ектении. Седальны Триоди. «Воскресение Христово видевше…» (единожды). Псалом 50-й. Каноны: праздника Триоди, глас 3-й: «Дивно, славно творяй чудеса…» (см. в Неделю о расслабленном), со ирмосом на 6 (ирмосы по дважды), и преподобного на 6. Библейские песни «Поем Господеви…». Катавасия по 3-й, 6-й, 8-й и 9-й песнях – ирмосы канона Минеи. По 3-й песни – кондак и икос праздника Триоди, глас 3-й (см. в Неделю о расслабленном); седален преподобного, глас 8-й (дважды). «Слава, и ныне» – седален праздника Триоди, глас 3-й: «Глагол разслабленнаго…» (см. в Неделю о расслабленном). По 6-й песни – кондак и икос преподобного, глас 2-й. На 9-й песни поем «Честнейшую». По 9-й песни «Достойно есть» не поется. Светилен преподобного (дважды). «Слава, и ныне» – светилен праздника Триоди: «Предста Человеколюбец…» (см. в Неделю о расслабленном). «Хвалите Господа с Небес…» и хвалитные псалмы. На хвалитех стихиры Триоди, глас 3-й – 4 (первая стихира – дважды). «Слава, и ныне» – праздника Триоди, глас 8-й: «Господи, разслабленнаго не купель исцели…». «Тебе слава подобает…» не читается, но сразу чтец: «Слава Тебе, показавшему нам свет». Читается вседневное славословие. На стиховне стихиры праздника Триоди, глас 3-й. «Слава» – преподобного, глас 8-й: «Монахов множества…», «И ныне» – праздника Триоди, глас 5-й: «При овчей купели…». По Трисвятом – тропарь воскресный, глас 3-й: «Да веселятся небесная…». «Слава» – тропарь преподобного, глас 8-й, «И ныне» – Богородичен воскресный, глас тот же: «Иже нас ради…». На часах – тропарь воскресный. «Слава» – тропарь преподобного. Кондак только[1] праздника Триоди. На Литургии блаженны от канона праздника Триоди (о расслабленном), песнь 9-я – 4 (со ирмосом), и преподобного, песнь 3-я – 4. По входе – тропарь воскресный, тропарь храма Богородицы или храма святого, тропарь преподобного; кондак храма святого. «Слава» – кондак преподобного, «И ныне» – кондак праздника Триоди. Прокимен и аллилуиарий – праздника Триоди (см. на Литургии в Неделю о расслабленном) и преподобного. Апостол и Евангелие – дня и преподобного. Задостойник Пасхи. Причастен – Пасхи: «Тело Христово приимите…», и преподобного: «В память вечную…». Б. На великой вечерне «Блажен муж» – 1-й антифон. На «Господи, воззвах» стихиры на 8: праздника Триоди, глас 1-й – 3 (первая стихира – дважды), и св. Димитрия, глас 5-й и глас 2-й – 5. «Слава» св. Димитрия, глас 8-й: «Кто от земных…», «И ныне» – праздника Триоди, глас 5-й: «Взыде Иисус во Иерусалим…». Вход. Прокимен дня. Паримии св. Димитрия – 3. На стиховне стихиры св. Димитрия, глас 8-й (со своими припевами)[2]. «Слава» – св. Димитрия, глас 6-й: «Приидите, вернии…», «И ныне» – праздника Триоди, глас 8-й: «В притворе Соломонове…» (см. в стихирах на стиховне). По Трисвятом – тропарь воскресный, глас 3-й: «Да веселятся небесная…». «Слава» – тропарь св. Димитрия (по выбору), «И ныне» – Богородичен воскресный по гласу «Славы». Примечание. «Богослужебные указания на 1957 год» (с. 172) и «Богослужебные указания на 1958 год» (с. 143–144) приводят следующий порядок пения тропарей по «Ныне отпущаеши» и в конец утрени при полиелейном святом: тропарь воскресный (петый в предшествующее воскресенье), «Слава» – тропарь святого, «И ныне» – Богородичен воскресный, по гласу «Славы». Это вполне согласуется с Типиконом (гл. 50-я, «В понедельник 2-я седмицы Антипасхи…», «Подобает ведати, како поется от Недели Фомины…»). Однако В. Розанов (см. его «Богослужебный Устав Православной Церкви», с. 699, 715) указывает следующий порядок: тропарь святого; «Слава, и ныне» – Богородичен воскресный, по гласу тропаря. На утрене на «Бог Господь» – тропарь воскресный, глас 3-й: «Да веселятся небесная…» (дважды). «Слава» – тропарь св. Димитрия (по выбору), «И ныне» – Богородичен воскресный по гласу «Славы». Кафизмы 7-я и 8-я. Малые ектении. По 1-м стихословии – седален св. Димитрия, глас 1-й: «От чресл царских…» (дважды). «Слава, и ныне» – седален праздника Триоди, глас 3-й: «Разслабление обретоша…» (см. в седальнах по 2-м стихословии)[3]. По 2-м стихословии – седален св. Димитрия, глас 4-й: «Кровь твою…» (дважды). «Слава, и ныне» – седален праздника Триоди, глас 3-й: «Разслабление обретоша…» (см. в седальнах по 2-м стихословии). Полиелей. Величание св. Димитрия и избранный псалом. Седален св. Димитрия по полиелее, глас 8-й: «От младенства душею…» (дважды). «Слава, и ныне» – седален праздника Триоди, глас 3-й: «Разслабление обретоша…» (см. в седальнах по 2-м стихословии), или Богородичен Минеи, глас 8-й: «Яко Деву…»[4]. Степенна – 1-й антифон 4-го гласа. Прокимен св. Димитрия, глас 4-й: «Возвеселится праведник о Господе и уповает на Него»; стих: «Услыши, Боже, глас мой, внегда молити ми ся к Тебе». Евангелие – Лк., зач. 106. «Воскресение Христово видевше…» (единожды). По 50-м псалме: «Слава» – «Молитвами святаго благовернаго царевича Димитрия…». Стихира св. Димитрия, глас 8-й: «Из младенства изгнан быв…». Каноны: праздника Триоди, глас 3-й: «Дивно, славно творяй чудеса…» (см. в Неделю о расслабленном), со ирмосом на 6 (ирмосы по дважды), и св. Димитрия (два канона) на 8. Библейские песни «Поем Господеви…». Катавасия Пасхи: «Воскресения день…». По 3-й песни – кондак и икос праздника Триоди, глас 3-й (см. в Неделю о расслабленном); седален св. Димитрия, глас 4-й. «Слава» – ин седален св. Димитрия, глас тот же, «И ныне» – седален праздника Триоди, глас 3-й: «Глагол разслабленнаго…» (см. в Неделю о расслабленном). По 6-й песни – кондак и икос св. Димитрия, глас 8-й. На 9-й песни поем «Честнейшую». По 9-й песни «Достойно есть» не поется. Светилен св. Димитрия (дважды). «Слава, и ныне» – светилен праздника Триоди: «Предста Человеколюбец…» (см. в Неделю о расслабленном). «Всякое дыхание…» и хвалитные псалмы. На хвалитех стихиры на 6: праздника Триоди, глас 3-й – 3 (см. на стиховне утрени)[5], и св. Димитрия, глас 4-й 3. «Слава» – св. Димитрия, глас 8-й: «Приидите днесь…», «И ныне» – праздника Триоди, глас тот же: «Господи, разслабленнаго не купель исцели…» (см. на хвалитех). Великое славословие. По Трисвятом – тропарь воскресный, глас 3-й: «Да веселятся небесная…». «Слава» – тропарь св. Димитрия (по выбору), «И ныне» – Богородичен воскресный по гласу «Славы». На часах – тропарь воскресный. «Слава» – тропарь св. Димитрия. Кондаки праздника Триоди и св. Димитрия читаются попеременно. На Литургии блаженны от канона праздника Триоди (о расслабленном), песнь 9-я – 4 (со ирмосом), и св. Димитрия, песнь 3-я (или 6-я)[6] – 4. По входе – тропарь воскресный, тропарь храма Богородицы или храма святого, тропарь св. Димитрия; кондак храма святого. «Слава» – кондак св. Димитрия, «И ныне» – кондак праздника Триоди. Прокимен и аллилуиарий – праздника Триоди (см. на Литургии в Неделю о расслабленном) и св. Димитрия. Апостол и Евангелие – дня и св. Димитрия. Задостойник Пасхи. Причастен – Пасхи: «Тело Христово приимите…», и св. Димитрия: «В память вечную…». ........... Преподобному Пахомию Великому Тропарь преподобному Пахомию Великому, глас 8 Слез твои́х теченьми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Пахо́мие о́тче наш,// моли́ Христа Бо́га спасти́ся душа́м на́шим. Перевод: Слез твоих потоками ты возделал бесплодную пустыню и из глубины стенаниями плод трудов своих умножил во сто крат, и сделался светилом вселенной, сияя чудесами, Пахомий, отче наш; моли Христа Бога о спасении душ наших. Кондак преподобному Пахомию Великому, глас 2 Свети́льник све́тел показа́лся еси́ в конце́х,/ пусты́ню же гра́ды сотвори́л еси́ мно́жествы мона́шескими,/ сам себе́ распе́н, крест твой на ра́мо взем,/ и воздержа́нием те́ло изнури́л еси́,// моля́ непреста́нно о всех нас. Перевод: Ярким светилом ты показался во всех концах Земли, преобразив пустыню во множество монастырских городов, сам себя распяв и крест свой подняв на плечи, ты изнурил тело воздержанием, непрестанно молясь обо всех нас. Святителю Исаие, епископу Ростовскому Тропарь святителю Исаие, епископу Ростовскому, глас 8 Правосла́вия наста́вниче,/ благоче́стия учи́телю и чистоты́,/ Росто́ву пресве́тлый свети́льниче,/ святи́телем Богодохнове́нное удобре́ние,/ Иса́ие прему́дре,/ уче́нием бо твои́м вся Росси́йския концы́ просвети́л еси́ благода́тию духо́вною,/ святи́телю блаже́нне,// моли́ Христа́ Бо́га, да спасе́т ду́ши на́ша. Перевод: Наставник Православия, учитель благочестия и чистоты, преяркий светильник Ростова, святителей Богодухновенное украшение, Исаия премудрый, ибо твоим учением ты просветил все концы Российские благодатью духовной, святитель блаженный, моли Христа Бога да спасет наши души. Ин тропарь святителю Исаие, епископу Ростовскому, глас 2 В и́ноцех святы́я Ла́вры Пече́рския/ благоиску́сен показа́выйся/ и во архиере́йстем са́не добр па́стырь/ своему́ ста́ду, Боголюбе́зне Иса́ие, бы́вый,/ моли́ о нас Пастыренача́льника Христа́ Бо́га// да поми́лует и спасе́т ду́ши на́ша. Перевод: Показавший себя весьма опытным среди монахов святой Печерской Лавры и бывший добрым пастырем (Ин.10:11) своего стада в архиерейском сане, Боголюбивый Исаия, моли о нас Пастыреначальника Христа Бога да помилует и спасет души наши. Кондак святителю Исаие, епископу Ростовскому, глас 3 Я́ко гром, возгреме́л еси́ Боже́ственными твои́ми уче́нии в Росси́йстей земли́/ и яви́лся еси́ свети́льник пресве́тел,/ осия́я све́том Богоразу́мия, Иса́ие блаже́нне./ Те́мже вопие́м ти́:// Христа́ Бо́га моли́ непреста́нно о всех нас. Перевод: Как гром, прогремел ты Божественными твоими учениями в Российской земле и явился преярким светилом, осияя светом Богоразумия, Исаия блаженный. Потому взываем к тебе: «Христа Бога моли не переставая обо всех нас». Ин кондак святителю Исаие, епископу Ростовскому, глас 4 Своего́ епи́скопска са́на тезоиме́нство храня́,/ си́рых, вдови́ц и всех, зле стра́ждущих,/ сам собо́ю посеща́л еси́ любе́зне/ и, ми́лостынею дово́льне тех ущедря́я, я́ко оте́ц,/ сподо́бился еси́ А́нгелы на освяще́ние це́ркве Пече́рския, святи́телю Иса́ие,/ принесе́н бы́ти чу́дне,// с ни́миже моли́ся Го́сподеви о душа́х на́ших. Перевод: Храня одноименность своего епископского сана, сирот, вдов и всех тяжело страдающих ты самостоятельно с усердием посещал и щедро, по-отечески, наделяя их достаточными подаяниями, ты удостоился удивительным образом прибыть на освящение церкви Печерской, благодаря извещению от Ангела, святитель Исаия, с ними же молись Господу о душах наших. Благоверному царевичу Димитрию, Угличскому и Московскому Тропарь благоверному царевичу Димитрию, Угличскому и Московскому, глас 4 Ца́рскую диади́му обагри́л еси́ кро́вию твое́ю,/ Богому́дре му́чениче,/ за скиптр крест в руку́ прии́м,/ яви́лся еси́ победоно́сец,/ и же́ртву непоро́чну Влады́це прине́сл еси́ себе́,/ я́ко бо а́гнец незло́бив от раба́ заколе́н еси́,/ и ны́не ра́дуяся предстои́ши Святе́й Тро́ице./ Моли́ся о держа́ве сро́дников твои́х богоуго́дней бы́ти// и сыново́м росси́йским спасти́ся. Перевод: Царский венец обагрил ты кровью твоей, Богомудрый мученик, приняв вместо скипетра в руку крест, ты стал победоносцем и принес себя как непорочную жертву Владыке, ибо, как кроткий агнец, был заколот рабом, и сейчас, радуясь, предстоишь Святой Троице. Молись, (чтобы) государству соотечественников твоих быть угодным Богу и сынам российским спастись. Ин тропарь благоверному царевичу Димитрию, Угличскому и Московскому, глас 1 Всеору́жеством Ду́ха благода́ти вооруже́н быв/ и необори́м столп и утвержде́ние оте́честву своему́ показа́ся,/ я́ко а́гнец незло́бивый, от врага́ непра́ведно закла́н быв/ и в же́ртву непоро́чну Го́сподеви принесе́ся./ И ны́не дар благода́ти от всех Подвигополо́жника прие́м,/ источа́еши всем исцеле́ние, достохва́льне благове́рный царе́вичу кня́же Дими́трие./ Сла́ва Восприи́мшему тя от земны́х в Небе́сная,/ сла́ва Венча́вшему тя венце́м неувяда́емым,// сла́ва Де́йствующему тобо́ю всем исцеле́ние. Перевод: Ты был вооружен всеоружием благодати Духа и стал непобедимым столпом и укреплением Отечеству своему, как кроткий агнец, был несправедливо заколот врагом и принес себя как непорочную жертву Господу. И сейчас, приняв дар благодати от Подвигоположника, источаешь для всех исцеление, достойно прославляемый благоверный царевич князь Димитрий. Слава Воспринявшему тебя от земного в Небесное, слава Венчавшему тебя неувядаемым венцом, слава Подающему через тебя всем исцеление. Ин тропарь благоверному царевичу Димитрию, Угличскому и Московскому, глас 2 Я́ко благочести́ваго ко́рене Боголюби́вый произы́де плод,/ я́ко а́гня незло́биво, непови́нно во младе́нстве закла́н бысть/ от властолю́бца вку́пе и зла́го раба́./ Тем, я́ко златы́ми кри́лы,/ душе́вною чистото́ю и младе́нческим незло́бием/ к Небе́сней высоте́ возлете́л еси́, страстоте́рпче Дими́трие./ И ны́не кровь твоя́ от земли́ та́йно вопие́т к Бо́гу,/ я́ко А́веля пра́веднаго./ Сего́ ра́ди покланя́емся ве́рою ти,/ сла́вяще просла́вльшаго тя Бо́га,/ Его́же моли́ стране́ на́шей благоуго́дней бы́ти// и сыново́м ру́сским спасти́ся. Перевод: Как от благочестивого корня выросший плод, как кроткий агнец, без вины в детстве ты был заколот любителем власти и злым рабом. Потому, как на золотых крыльях душевной чистоты и детской кротости ты взлетел на Небесную высоту, страстотерпец Димитрий. И сейчас кровь твоя от земли таинственным образом взывает к Богу, как кровь праведного Авеля (Быт.4:10). Поэтому мы поклоняемся тебе с верой, славя прославившего тебя Бога. Его же моли стране нашей быть угодной Богу и сынам русским спастись. Кондак благоверному царевичу Димитрию, Угличскому и Московскому, глас 8 Возсия́ днесь в сла́вней па́мяти твое́й ве́рным весе́лие,/ я́ко бо доброра́сленный грезн, прозя́бл еси́/ и Христу́ красе́н плод прине́сл еси́ себе́./ Те́мже и по убие́нии твое́м соблюде́ те́ло твое́ нетле́нно,/ страда́льчески обагре́ное кро́вию,/ благоро́дне свя́те Дими́трие,/ соблюда́й оте́чество твое́ и град твой невреди́м,// тому́ бо еси́ утвержде́ние. Перевод: Сегодня в прославляемом дне памяти твоей воссияла радость для верующих, ибо ты пророс как имеющая хорошие ветви виноградная лоза (Ин.15:5) и принес себя Христу как прекрасный плод. Потому и после того как тебя убили, тело твое, обагренное мученической кровью, Он сохранил нетленным, благородный святой Димитрий, сохраняй Отечество твое и город невредимыми, ибо ты крепость для них. Ин кондак благоверному царевичу Димитрию, Угличскому и Московскому, глас 8 Свети́ло пресве́тлое яви́ся днесь Боже́ственная па́мять твоя́:/ богодарова́нная ти чудеса́, я́ко ре́ки,/ от вся́ких многоразли́чных неду́г подае́ши исцеле́ние с ве́рою призыва́ющим тя,/ созыва́я нас к похвале́нию прославля́ющаго тя Бо́га./ Его́же моли́, страстоте́рпче Дими́трие,/ мир ми́рови дарова́ти,/ от ви́димых и неви́димых враг правосла́вныя лю́ди невреди́мы сохрани́ти, да зове́м ти: ра́дуйся,// ты бо еси́ утвержде́ние гра́ду на́шему. Перевод: Преярким светилом явился сегодня день святой памяти твоей: дарованные Богом тебе чудеса, как потоки, от множества всяких различных болезней ты подаешь исцеление с верой призывающим тебя, созывая нас к благодарению прославляющего тебя Бога. Его же моли, страстотерпец Димитрий, даровать мир всему миру, от видимых и невидимых врагов сохранить невредимыми православных людей, да взываем к тебе: «Радуйся, ибо ты крепость для города нашего». Молитва благоверному царевичу Димитрию, Угличскому и Московскому О, пресла́вный и ди́вный в чудесе́х, красото́ му́чеников, страстоте́рпче царе́вичу кня́же Дими́трие! Ско́ро предста́ни Небе́сному Царю́ и му́ченическия твои́ ру́це о нас, гре́шных, моле́бне к Нему́ простри́, я́ко име́яй дерзнове́ние вели́ко; сохрани́ же твои́ми моли́твами град сей, и вся гра́ды и ве́си правосла́вныя, и Святе́йшаго Патриа́рха (имя рек) и преосвяще́нныя митрополи́ты, архиепи́скопы, епи́скопы и весь свяще́нный чин церко́вный, и в пала́те бра́тию на́шу, и вся правосла́вныя христиа́ны; всех нас приими́ во твое́ заступле́ние, и от всех бед и зол избавля́я, и от наше́ствия ви́димых и неви́димых борю́щих нас враго́в свобожда́я, и тех всяк наве́т и злохи́трство погубля́я и отгоня́я; та́же прегреше́ний на́ших проще́ние испроси́, и в век бу́дущий Небе́снаго Ца́рствия нас сподо́би, и спасе́нных Бо́гу предста́ви, благода́тию и человеколю́бием Го́спода и Спа́са на́шего Иису́са Христа́, Ему́же честь и поклоне́ние подоба́ет, ны́не, и при́сно, и во ве́ки веко́в. Ами́нь. Молитва 2-я благоверному царевичу Димитрию, Угличскому и Московскому О, святы́й му́чениче, благове́рный царе́вичу и кня́же Дими́трие! Я́ко а́гнец незло́бив от раба́ заколе́нный, венце́м ца́рским от Го́спода венча́лся еси́, и сын царе́в быв, му́ченик непобеди́м яви́лся еси́, и вме́сто земны́х и тле́нных на Небеси́ нетле́нное восприя́л еси́. И ны́не предстоя́ в ра́дости Святе́й Тро́ице, посеща́й творя́щыя ве́рно твою́ светоно́сную па́мять: соблюда́й оте́чествие твое́ и град твой невреди́м, тому́ бо еси́ утвержде́ние: утверди́ правосла́вных жи́тельство в ми́ре глубо́це: междоусо́бную брань укроти́, и вся поле́зная да́руй всегда́ лю́дем твои́м моли́твами твои́ми, да ве́рою и любо́вию вопие́м ти: ра́дуйся, свя́те Дими́трие, ве́рных люде́й те́плый засту́пниче и прибе́жище и земли́ Росси́йския украше́ние. Ами́нь. Преподобному Пахомию Нерехтскому Тропарь преподобному Пахомию Нерехтскому, глас 4 Жите́йских молв, преподо́бне, отве́ргся/ и, я́ко птищ, обре́те себе́ в пусты́ни безмо́лвие,/ в моли́твах и бде́нии прилежа́ Бо́гови,/ преподо́бне о́тче Пахо́мие,/ и оста́ви дре́внее пребыва́ние,/ и оты́де в пусты́ню, и в ней водвори́ся,/ и соста́ви оби́тель во и́мя Пресвяты́я Тро́ицы,/ и процве́л еси́, а́ки фи́никс,/ и бысть о́браз утеше́ния духо́внаго./ Те́мже, преподо́бне Пахо́мие,// моли́ Пресвяту́ю Тро́ицу спасти́ся душа́м на́шим. Перевод: Житейскую суету ты отверг и, как птица, обрел для себя безмолвие в пустыни, в молитвах и бдении усердно трудился для Бога, преподобный отче Пахомий, и оставив прежнее место пребывания, ты отошел в пустынь, поселился в ней и создал обитель во имя Пресвятой Троицы, и расцвел, как пальма, и был примером духовного утешения. Потому, преподбный Пахомий, моли Пресвятую Троицу о спасении наших душ. Кондак преподобному Пахомию Нерехтскому, глас 4 В пусты́ни безмо́лвствуя,/ еди́нствующу тя, Богоно́се, взыску́ющу ти Го́спода,/ Бо́гу же тебе́ не оста́вльшу еди́ному бы́ти в пусты́ни,/ и Того́ повеле́нием снидо́шася к тебе́ неколи́ко бра́тии,/ с ни́миже ти моля́щуся Го́сподеви,/ Тро́ице прече́стен храм воздви́же,/ в не́мже предстоя́ще, преподо́бне Пахо́мие,// моли́ся о спасе́нии душ на́ших. Перевод: В пустыни безмолвствуя в одиночестве, Богоносный, ты искал Господа, Бог же не оставил тебя одного в пустыни, и по Его повелению пришли к тебе несколько братьев, с ними же молясь Господу, ты воздвиг почитаемый храм Троице, в нем же предстоя, преподобный Пахомий, молись о спасении наших душ. Преподобному Евфросину Псковскому Тропарь преподобному Евфросину Псковскому, глас 4 Жите́йскую печа́ль и всяк мяте́ж ми́ра сего́/ любве́ ра́ди Христо́вы со дерзнове́нием отве́ргл еси́, блаже́нне,/ и повеле́нная распя́тым Го́сподем Иису́сом Христо́м/ вся испра́вил еси́,/ и, Того́ яре́м взем, во всем во́ли Его́ повину́лся еси́,/ и, благочести́в де́латель, живо́тным за́поведем Христо́вым/ благотру́дно прилежа́л еси́./ И сего́ ра́ди Бог просла́ви тя/ и по преставле́нии чудеса́ показа́ от честна́го гро́ба твоего́./ Те́мже и неоску́дно угобзи́ся оби́тель твоя́,/ и ни́щим бысть бога́тное приста́нище и покро́в,/ о́тче наш преподо́бне Евфроси́не,// моли́ Христа́ Бо́га, да спасе́т ду́ши на́ша. Перевод: Житейские заботы и всякую суету этого мира ради любви Христовой с дерзновением ты отверг, блаженный, и выполнил всё, что повелел распятый Господь Иисус Христос, и, подняв Его ярмо, во всем повиновался Его воле и, благочестиво трудясь, ты с усердием исполнял жизненные заповеди Христовы. И потому Бог прославил тебя и после смерти явил чудеса от почитаемого гроба твоего. Поэтому неоскудеваемой и плодородной стала обитель твоя, и была для нищих богатым пристанищем и защитой, отче наш преподобный Евфросин, моли Христа Бога, да спасет души наши. Ин тропарь преподобному Евфросину Псковскому, глас 4 Изволе́нием Боже́ственнаго ра́зума всели́ся в пусты́ню/ и та́мо впери́в свой ум в Небе́сныя оби́тели/ и ра́вно А́нгелом житие́ пожи́в на земли́,/ в моли́твах, и в труде́х, и в поще́ниих о́браз быв свои́м ученико́м./ Те́мже Бог, ви́дев твое́ благо́е изволе́ние,/ умно́жи тебе́ ча́да в пусты́ни,/ слез твои́х ту́чами напая́ема,/ но, я́ко име́я дерзнове́ние к Бо́гу,/ помина́й ста́до свое́, е́же собра́л еси́, му́дре,/ и не забу́ди, я́коже обеща́лся еси́, посеща́я чад свои́х,// Евфроси́не, преподо́бне о́тче наш. Перевод: Желая Божественного знания, ты поселился в пустыни и там, устремив свой ум в Небесные обители и прожив земную жизнь, подобную ангельской, в молитвах, трудах и пощении ты был примером для своих учеников. Потому Бог, видя твою добрую волю, увеличил число твоих детей (монахов) в пустыни, утоляемых ливнями твоих слез, но, как имеющий дерзновение к Богу, вспоминай стадо свое, которое собрал ты, мудрый, и не забывай, как обещал посещать детей своих, Евфросин, преподобный отче наш. Кондак преподобному Евфросину Псковскому, глас 8 Бо́жиим светоли́тием просвеще́н, о́тче,/ по́стническое стяжа́в жи́тельство, преподо́бне,/ и́ноком предо́брый наста́вниче и по́стником благо́е украше́ние./ Сего́ ра́ди Госпо́дь, труды́ твоя́ ви́дев, да́ром чуде́с обогати́ тя,/ источа́еши бо исцеле́ния./ Мы же, ра́дующеся, вопие́м ти:// ра́дуйся, о́тче Евфроси́не, и́ноком удобре́ние. Перевод: Осиянием света от Бога ты был просвещен, отче, постническую обретя жизнь, преподобный, монахам прекрасный наставник и хорошее украшение постников. Поэтому Господь, видя твои труды, обогатил тебя даром чудотворения, ибо ты источаешь исцеления. Мы же, радуясь, взываем к тебе: «Радуйся, отче Евфросин, украшение монахов». Во вторник, св. Иоанну Предтече ТРОПАРЬ ВО ВТОРНИК, св. Иоанну Предтече, глас 2 Па́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость. Перевод: Память праведника чтится похвалами, тебе же довольно свидетельства Господня, Предтеча, ведь явился ты поистине из пророков славнейшим, ибо удостоился в струях крестить Проповеданного. Потому за истину пострадав с радостью, благовествовал ты и находящимся во аде Бога, явившегося во плоти, подъемлющего грех мира и подающего нам великую милость. КОНДАК ВО ВТОРНИК, св. Иоанну Предтече, глас 2 Проро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние. Перевод: Пророк Божий и Предтеча благодати, главу твою как священнейшую розу в земле обретя, мы всегда получаем исцеления, ибо снова, как и прежде, ты возвещаешь в мире о покаянии. .... Глас 6-й Пе́снь 1 Ирмо́с: Я́ко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше. Перевод: Как по суше прошел Израиль по бездне стопами, и взывал, гонителя фараона видя утопавшим: «Богу победную песнь воспоем!» Припе́в: Поми́луй мя, Бо́же, поми́луй мя. Ны́не приступи́х а́з гре́шный и обремене́нный к Тебе́, Влады́це и Бо́гу моему́; не сме́ю же взира́ти на не́бо, то́кмо молю́ся, глаго́ля: да́ждь ми́, Го́споди, у́м, да пла́чуся де́л мои́х го́рько. Ныне приступил я, грешный и обременённый, к Тебе, Владыке и Богу моему; но не смею взирать на небо, только молю, возглашая: «Дай мне, Господи, разум, чтобы оплакивал я дела мои горько!» Поми́луй мя, Бо́же, поми́луй мя. О, го́ре мне́ гре́шному! Па́че все́х челове́к окая́нен е́смь, покая́ния не́сть во мне́; да́ждь ми́, Го́споди, сле́зы, да пла́чуся де́л мои́х го́рько. О, горе мне, грешному! Более всех людей окаянен я: покаяния нет во мне. Дай мне, Господи, слёзы, чтобы оплакивал я дела мои горько! Сла́ва Отцу, и Сы́ну, и Свято́му Ду́ху. Безу́мне, окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́споду Бо́гу, и пла́чися о де́лех твои́х го́рько. Слава Отцу, и Сыну, и Святому Духу. Безумный, окаянный человек, ты время в лености губишь! Помысли о жизни своей и обратись ко Господу Богу, и плачь о делах своих горько! И ны́не, и при́сно, и во ве́ки веко́в, ами́нь. Ма́ти Бо́жия Пречи́стая, воззри́ на мя́ гре́шнаго, и от се́ти диа́воли изба́ви мя́, и на пу́ть покая́ния наста́ви мя́, да пла́чуся де́л мои́х го́рько. И ныне, и всегда, и во веки веков, аминь. Матерь Божия Пречистая! Воззри на меня, грешного, и от сети диавола избавь меня, и на путь покаяния направь меня, чтобы оплакивал я дела мои горько! Пе́снь 3 Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́. Нет святого, как Ты, Господи Боже мой, возвысивший верных Тебе, Благой, и утвердивший нас на камне исповедания Твоего. Поми́луй мя, Бо́же, поми́луй мя. Внегда́ поста́влени бу́дут престо́ли на суди́щи стра́шнем, тогда́ все́х челове́к дела́ облича́тся; го́ре та́мо бу́дет гре́шным, в му́ку отсыла́емым; и то́ ве́дущи, душе́ моя́, пока́йся от злы́х де́л твои́х. Когда поставлены будут престолы на Страшном Суде, тогда всех людей дела обличатся; горе там будет грешным, в муку отсылаемым! И зная это, душа моя, покайся в злых делах твоих! Поми́луй мя, Бо́же, поми́луй мя. Пра́ведницы возра́дуются, а гре́шнии воспла́чутся, тогда́ никто́же возмо́жет помощи́ на́м, но дела́ на́ша осу́дят на́с, те́мже пре́жде конца́ пока́йся от злы́х де́л твои́х. Праведники возрадуются, а грешники возрыдают: тогда никто не сможет помочь нам, но дела наши осудят нас. Потому прежде конца покайся в злых делах твоих! Сла́ва Отцу, и Сы́ну, и Свято́му Ду́ху. Увы́ мне́ великогре́шному, и́же де́лы и мы́сльми оскверни́вся, ни ка́пли сле́з име́ю от жестосе́рдия; ны́не возни́кни от земли́, душе́ моя́, и пока́йся от злы́х де́л твои́х. Увы мне, многогрешному! Я, делами и мыслями осквернившись, ни капли слёз не имею от жестокосердия! Ныне воспрянь от земли, душа моя, и покайся в злых делах твоих! И ны́не, и при́сно, и во ве́ки веко́в, ами́нь. Се́, взыва́ет, Госпоже́, Сы́н Тво́й, и поуча́ет на́с на до́брое, а́з же гре́шный добра́ всегда́ бе́гаю; но Ты́, Ми́лостивая, поми́луй мя́, да пока́юся от злы́х мои́х де́л. Вот, взывает, Госпожа, Сын Твой и нас научает доброму; я же, грешный, всегда бегу от добра! Но Ты, Милостивая, помилуй меня, чтобы я раскаялся в делах моих злых! Седа́лен, гла́с 6-й Помышля́ю де́нь стра́шный и пла́чуся дея́ний мои́х лука́вых: ка́ко отвеща́ю Безсме́ртному Царю́, или́ ко́им дерзнове́нием воззрю́ на Судию́, блу́дный а́з? Благоутро́бный О́тче, Сы́не Единоро́дный и Ду́ше Святы́й, поми́луй мя́. Помышляю о дне страшном и плачу о деяниях моих лукавых, как отвечу Бессмертному Царю? И как дерзну воззреть на Судию, я, блудный? Милосердный Отец, Сын Единородный, Дух Святой, помилуй меня. Сла́ва Отцу, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь. Богоро́дичен Свя́зан мно́гими ны́не плени́цами грехо́в и содержи́м лю́тыми страстьми́ и беда́ми, к Тебе́ прибега́ю, моему́ спасе́нию, и вопию́: помози́ ми́, Де́во, Ма́ти Бо́жия. Ныне, связанный многими узами грехов и теснимый лютыми страданиями и бедами, к Тебе прибегаю, моему спасению, и взываю: «Помоги мне, Дева, Матерь Божия!» Пе́снь 4 Ирмо́с: Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи от смы́сла чи́ста, о Го́споде пра́зднующи. Христос моя сила, Бог и Господь, святая Церковь благоговейно поёт, взывая, от чистого разума в Господе торжествуя. Поми́луй мя, Бо́же, поми́луй мя. Широ́к пу́ть зде́ и уго́дный сла́сти твори́ти, но го́рько бу́дет в после́дний де́нь, егда́ душа́ от те́ла разлуча́тися бу́дет: блюди́ся от си́х, челове́че, Ца́рствия ра́ди Бо́жия. Широк путь здесь и легко делать приятное, но горько будет в последний день, когда душа с телом разлучаться будет! Храни себя от того, человек, ради Царства Божия! Поми́луй мя, Бо́же, поми́луй мя. Почто́ убо́гаго оби́диши, мзду́ нае́мничу уде́ржуеши, бра́та твоего́ не лю́биши, блу́д и го́рдость го́ниши? Оста́ви у́бо сия́, душе́ моя́, и пока́йся Ца́рствия ра́ди Бо́жия. Зачем бедного обижаешь, плату работника удерживаешь, брата своего не любишь, к блуду и гордыне стремишься? Оставь же все это, душа моя, и покайся ради Царствия Божия! Сла́ва Отцу, и Сы́ну, и Свято́му Ду́ху. О, безу́мный челове́че, доко́ле углеба́еши, я́ко пчела́, собира́ющи бога́тство твое́? Вско́ре бо поги́бнет, я́ко пра́х и пе́пел: но бо́лее взыщи́ Ца́рствия Бо́жия. О безумный человек! Доколе будешь суетиться, словно пчела, собирая богатство своё? Ведь вскоре погибнет оно, как прах и пепел; но ты прежде взыщи Царствия Божия. И ны́не, и при́сно, и во ве́ки веко́в, ами́нь. Госпоже́ Богоро́дице, поми́луй мя́ гре́шнаго, и в доброде́тели укрепи́, и соблюди́ мя́, да на́глая сме́рть не похи́тит мя́ негото́ваго, и доведи́ мя́, Де́во, Ца́рствия Бо́жия. Госпожа Богородица! Помилуй меня, грешного, и в добродетели укрепи и сохрани меня, чтобы внезапная смерть не похитила меня, неготового, и доведи меня, Дева, до Царствия Божия! Пе́снь 5 Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща. Божественным светом Своим, Благой, души с рассвета к Тебе стремящихся любовью озари, молюсь я, чтобы знать Тебя, Слово Божие, истинного Бога, от мрака грехов к Себе призывающего. Поми́луй мя, Бо́же, поми́луй мя. Воспомяни́, окая́нный челове́че, ка́ко лжа́м, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́? Вспомни, окаянный человек, как лжи, клевете, разбою, болезням, словно лютым зверям, порабощён ты по грехам своим! Душа моя грешная, того ли желала ты? Поми́луй мя, Бо́же, поми́луй мя. Трепе́щут ми́ у́ди, все́ми бо сотвори́х вину́: очи́ма взира́яй, уши́ма слы́шай, язы́ком зла́я глаго́ляй, всего́ себе́ гее́нне предая́й; душе́ моя́ гре́шная, сего́ ли восхоте́ла еси́? Трепещут члены тела моего, ибо я всеми ими провинился: глазами взирая, ушами слушая, языком говоря злое, всего себя геенне предал! Душа моя грешная, этого ли желала ты? Сла́ва Отцу, и Сы́ну, и Свято́му Ду́ху. Блудника́ и разбо́йника ка́ющася прия́л еси́, Спа́се, а́з же еди́н ле́ностию грехо́вною отягчи́хся и злы́м дело́м порабо́тихся, душе́ моя́ гре́шная, сего́ ли восхоте́ла еси́? Блудного сына и разбойника кающегося принял Ты, Спаситель; но лишь я один греховной ленью отягчён и злым делам порабощён! Душа моя грешная, этого ли желала ты? И ны́не, и при́сно, и во ве́ки веко́в, ами́нь. Ди́вная и ско́рая помо́щнице все́м челове́ком, Ма́ти Бо́жия, помози́ мне́ недосто́йному, душа́ бо моя́ гре́шная того́ восхоте́. Дивная и скорая помощница всем людям, Матерь Божия! Помоги мне, недостойному, ибо душа моя грешная того возжелала! Пе́снь 6 Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти́: возведи́ от тли́ живо́т мо́й, Многоми́лостиве. Житейское море видя, поднимающееся волнами искушений, я, к тихой пристани Твоей стремясь, взываю Тебе: «Возведи от погибели жизнь мою, Многомилостивый!» Поми́луй мя, Бо́же, поми́луй мя. Житие́ на земли́ блу́дно пожи́х и ду́шу во тьму́ преда́х, ны́не у́бо молю́ Тя́, Ми́лостивый Влады́ко: свободи́ мя́ от рабо́ты сея́ вра́жия, и да́ждь ми́ ра́зум твори́ти во́лю Твою́. Жизнь земную я блудно прожил и душу во тьму предал; ныне же молю Тебя, милостивый Владыка: освободи меня от этого рабства врагу и дай мне разум исполнять волю Твою! Поми́луй мя, Бо́же, поми́луй мя. Кто́ твори́т такова́я, я́коже а́з? Я́коже бо свиния́ лежи́т в калу́, та́ко и а́з греху́ служу́. Но Ты́, Го́споди, исто́ргни мя́ от гну́са сего́ и да́ждь ми́ се́рдце твори́ти за́поведи Твоя́. Кто совершает такое, как я? Ибо как свинья лежит в грязи, так же и я греху служу. Но Ты, Господи, исторгни меня из гнусности той и дай мне сердце, готовое исполнять заповеди Твои! Сла́ва Отцу, и Сы́ну, и Свято́му Ду́ху. Воспряни́, окая́нный челове́че, к Бо́гу, воспомяну́в своя́ согреше́ния, припа́дая ко Творцу́, слезя́ и стеня́; То́й же, я́ко милосе́рд, да́ст ти́ у́м зна́ти во́лю Свою́. Воспрянь к Богу, окаянный человек, вспомнив свои согрешения, припадая ко Творцу, проливая слезы и стеная! Он же, как милосердный, даст тебе ум познать волю Его! И ны́не, и при́сно, и во ве́ки веко́в, ами́нь. Богоро́дице Де́во, от ви́димаго и неви́димаго зла́ сохрани́ мя́, Пречи́стая, и приими́ моли́твы моя́, и донеси́ я́ Сы́ну Твоему́, да да́ст ми́ у́м твори́ти во́лю Его́. Богородица Дева! От видимого и невидимого зла сохрани меня, Пречистая, и прими прошения мои, и передай их Сыну Твоему, да даст мне ум исполнять волю Его! Конда́к Душе́ моя́, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от си́х и обрати́ся к Бо́гу с пла́чем, зову́щи: милосе́рде Го́споди, поми́луй мя́ гре́шнаго. Душа моя! Зачем грехами богатеешь? Зачем волю диавола исполняешь? На что надежду возлагаешь? Перестань так поступать и обратись к Богу, с плачем взывая: «Милосердный Господи, помилуй меня, грешного!» И́кос Помы́сли, душе́ моя́, го́рький ча́с сме́рти и стра́шный су́д Творца́ твоего́ и Бо́га: А́нгели бо гро́знии по́ймут тя́, душе́, и в ве́чный о́гнь введу́т: у́бо пре́жде сме́рти пока́йся, вопию́щи: Го́споди, поми́луй мя́ гре́шнаго. Помысли, душа моя, о горьком часе смерти и о Страшном Суде Творца твоего и Бога. Ведь тогда Ангелы грозные возьмут тебя, душа, и в вечный огонь введут. Так покайся же прежде смерти, взывая: «Господи, помилуй меня, грешного!» Пе́снь 7 Ирмо́с: Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших. Росоносною соделал печь Ангел для благочестивых отроков, а Божие веление, халдеев опалявшее, мучителя заставило взывать: «Благословен Ты, Боже отцов наших!» Поми́луй мя, Бо́же, поми́луй мя. Не наде́йся, душе́ моя́, на тле́нное бога́тство и на непра́ведное собра́ние, вся́ бо сия́ не ве́си кому́ оста́виши, но возопи́й: поми́луй мя́, Христе́ Бо́же, недосто́йнаго. Не полагайся, душа моя, на тленное богатство и на неправедное стяжание; ведь не знаешь ты, кому всё это оставишь, но воззови: «Помилуй меня, Христе Боже, недостойного!» Поми́луй мя, Бо́же, поми́луй мя. Не упова́й, душе́ моя́, на теле́сное здра́вие и на скоромимоходя́щую красоту́, ви́диши бо, я́ко си́льнии и млади́и умира́ют; но возопи́й: поми́луй мя́, Христе́ Бо́же, недосто́йнаго. Не надейся, душа моя, на телесное здоровье и на скоро преходящую красоту; ведь ты видишь, как сильные и молодые умирают, но воззови: «Помилуй меня, Христе Боже, недостойного!» Сла́ва Отцу, и Сы́ну, и Свято́му Ду́ху. Воспомяни́, душе́ моя́, ве́чное житие́, Ца́рство Небе́сное, угото́ванное святы́м, и тьму́ кроме́шную и гне́в Бо́жий злы́м, и возопи́й: поми́луй мя́, Христе́ Бо́же, недосто́йнаго. Вспомни, душа моя, о вечной жизни и о Царстве Небесном, уготованном святым, и о тьме кромешной и гневе Божием – злым, и воззови: «Помилуй меня, Христе Боже, недостойного!» И ны́не, и при́сно, и во ве́ки веко́в, ами́нь. Припади́, душе́ моя́, к Бо́жией Ма́тери и помоли́ся То́й, е́сть бо ско́рая помо́щница ка́ющимся, умо́лит Сы́на Христа́ Бо́га, и поми́лует мя́ недосто́йнаго. Припади, душа моя, к Божией Матери и помолись Ей, ибо Она, скорая Помощница кающимся, умолит Сына, Христа Бога, и Он помилует меня, недостойного. Пе́снь 8 Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя́ превозно́сим во вся́ ве́ки. Из пламени Ты для благочестивых росу источил, и жертву праведника водою попалил: ибо Ты все совершаешь, Христе, одним Своим хотением. Тебя мы превозносим во все века. Поми́луй мя, Бо́же, поми́луй мя. Ка́ко не и́мам пла́катися, егда́ помышля́ю сме́рть, ви́дех бо во гро́бе лежа́ща бра́та моего́, безсла́вна и безобра́зна? Что́ у́бо ча́ю, и на что́ наде́юся? То́кмо да́ждь ми́, Го́споди, пре́жде конца́ покая́ние. (Два́жды) Как мне не плакать, когда помышляю о смерти! Ибо видел я лежащего во гробе брата своего бесславным и безобразным. Чего же я жду и на что надеюсь? Только дай мне, Господи, прежде конца покаяние! Сла́ва Отцу, и Сы́ну, и Свято́му Ду́ху. Ве́рую, я́ко прии́деши суди́ти живы́х и ме́ртвых, и вси́ во свое́м чи́ну ста́нут, ста́рии и млади́и, влады́ки и кня́зи, де́вы и свяще́нницы; где́ обря́щуся а́з? Сего́ ра́ди вопию́: да́ждь ми́, Го́споди, пре́жде конца́ покая́ние. Верую, что Ты придёшь судить живых и мёртвых, и все по чину своему станут: старые и молодые, владыки и князья, девы и священники. Но где окажусь я? Потому взываю: «Дай мне, Господи, прежде конца покаяние!» И ны́не, и при́сно, и во ве́ки веко́в, ами́нь. Пречи́стая Богоро́дице, приими́ недосто́йную моли́тву мою́ и сохрани́ мя́ от на́глыя сме́рти, и да́руй ми́ пре́жде конца́ покая́ние. Пречистая Богородица! Прими недостойную молитву мою, и сохрани меня от внезапной смерти и даруй мне прежде конца покаяние! Пе́снь 9 Ирмо́с: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти; Тобо́ю же, Всечи́стая, яви́ся челове́ком Сло́во Воплоще́нно, Его́же велича́юще, с небе́сными во́и Тя́ ублажа́ем. Невозможно людям увидеть Бога, на Которого не смеют и сонмы Ангелов взирать; но чрез Тебя, Всечистая, стало видимым для смертных Слово воплощённое. Его величая, мы вместе с небесными воинствами Тебя восхваляем. Поми́луй мя, Бо́же, поми́луй мя. Ны́не к ва́м прибега́ю, А́нгели, Арха́нгели и вся́ небе́сныя си́лы, у Престо́ла Бо́жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя. Ныне к вам прибегаю, Ангелы, Архангелы и все небесные Силы, у престола Божия стоящие: молитесь Творцу своему, да избавит Он душу мою от муки вечной! Поми́луй мя, Бо́же, поми́луй мя. Ны́не пла́чуся к ва́м, святи́и патриа́рси, ца́рие и проро́цы, апо́столи и святи́телие и вси́ избра́ннии Христо́вы: помози́те ми́ на суде́, да спасе́т ду́шу мою́ от си́лы вра́жия. Ныне плачу пред вами, святые праотцы, цари и пророки, апостолы и святители, и все избранники Христовы: помогите мне на Суде, да спасет Господь душу мою от силы вражией! Сла́ва Отцу, и Сы́ну, и Свято́му Ду́ху. Ны́не к ва́м воздежу́ ру́це, святи́и му́ченицы, пусты́нницы, де́вственницы, пра́ведницы и вси́ святи́и, моля́щиися ко Го́споду за ве́сь ми́р, да поми́лует мя́ в ча́с сме́рти моея́. Ныне к вам возношу руки, святые мученики, пустынники, девственники, праведники и все святые, молящиеся ко Господу за весь мир, да помилует Он меня в час смерти моей! И ны́не, и при́сно, и во ве́ки веко́в, ами́нь. Ма́ти Бо́жия, помози́ ми́, на Тя́ си́льне наде́ющемуся, умоли́ Сы́на Своего́, да поста́вит мя́ недосто́йнаго одесну́ю Себе́, егда́ ся́дет судя́й живы́х и ме́ртвых, ами́нь. Матерь Божия, помоги мне, на Тебя крепко надеющемуся, умоли Сына Своего, да поставит Он меня, недостойного, справа от Себя, когда сядет судить живых и мёртвых! Аминь. Моли́тва Влады́ко Христе́ Бо́же, И́же страстьми́ Свои́ми стра́сти моя́ исцели́вый и я́звами Свои́ми я́звы моя́ уврачева́вый, да́руй мне́, мно́го Тебе́ прегреши́вшему, сле́зы умиле́ния; сраствори́ моему́ те́лу от обоня́ния Животворя́щаго Те́ла Твоего́, и наслади́ ду́шу мою́ Твое́ю Честно́ю Кро́вию от го́рести, е́юже мя́ сопроти́вник напои́; возвы́си мо́й у́м к Тебе́, до́лу пони́кший, и возведи́ от про́пасти поги́бели: я́ко не и́мам покая́ния, не и́мам умиле́ния, не и́мам сле́зы уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе́ в боле́зни, не могу́ согре́тися слеза́ми, я́же к Тебе́ любве́. Но, Влады́ко Го́споди Иису́се Христе́, сокро́вище благи́х, да́руй мне́ покая́ние всеце́лое и се́рдце люботру́дное во взыска́ние Твое́, да́руй мне́ благода́ть Твою́ и обнови́ во мне́ зра́ки Твоего́ о́браза. Оста́вих Тя́, не оста́ви мене́; изы́ди на взыска́ние мое́, возведи́ к па́жити Твое́й и сопричти́ мя́ овца́м избра́ннаго Твоего́ ста́да, воспита́й мя́ с ни́ми от зла́ка Боже́ственных Твои́х Та́инств, моли́твами Пречи́стыя Твоея́ Ма́тере и все́х святы́х Твои́х. Ами́нь. Владыка Христос Бог, страданиями Твоими страсти мои исцеливший и ранами Твоими язвы мои уврачевавший! Даруй мне, много пред Тобою согрешившему, слёзы сокрушения о грехах. Даруй моему телу принять благоухание животворящего Тела Твоего, и подай душе моей сладость Твоей драгоценной Крови вместо горечи, которой напоил меня враг. Возвысь к Тебе мой ум, к земле поникший, и возведи из пропасти погибельной. Ибо нет во мне покаяния, нет во мне сокрушения, нет во мне слёз утешительных, приводящих чад к Отчему дому. Омрачился я разумом в житейских страстях, не могу воззреть на Тебя в страдании, не могу согреться слезами любви к Тебе! Но, Владыка Господь Иисус Христос, Сокровищница благ! Даруй мне покаяние полное и сердце, с любовью трудящееся в поисках Тебя; даруй мне благодать Твою и обнови во мне черты Твоего образа. Я оставил Тебя — не оставь меня. Выйди искать меня, приведи на Своё пастбище и сопричисли меня к овцам Твоего избранного стада, напитай меня вместе с ними от хлеба Божественных Твоих Таинств, по молитвам Пречистой Твоей Матери и всех святых Твоих. Аминь.

Минея, 15 Мая, Канон преподобного Глас 2 Песнь 1 Ирмос: Во глубине́ постла́ иногда́/ фараони́тское всево́инство преоруже́нная си́ла,/ вопло́щшееся же Сло́во всезло́бный грех потреби́ло есть,/ препросла́вленный Госпо́дь, сла́вно бо просла́вися. Припев: Преподо́бне о́тче Пахо́мие, моли́ Бо́га о на́с. Наде́явся бла́гости твои́х нра́вов, усе́рдно тебе́ песнь ра́бски возглаша́ю,/ но мой, Богогла́се, ум светолу́чными сия́ньми/ твои́ми мольба́ми просвети́, Пахо́мие преизря́дне. Припев: Преподо́бне о́тче Пахо́мие, моли́ Бо́га о на́с. Безстра́стия жела́нием те́плым, о́тче, одержи́м,/ ве́щныя увяди́л еси́ страсте́й во́лны, Пахо́мие,/ и дости́гл еси́, любо́вию вперя́емь,/ сего́ теку́щаго сия́ния, преблаже́нне, Божества́. Сла́ва Отцу́ и Сы́ну и Свято́му Ду́ху. Ра́дости испо́лнил еси́, му́дре, Небе́сныя чи́ны, Творца́ позна́в всея́ тва́ри:/ во храни́лищи бо навы́кл еси́ иму́щаго неизрече́нную си́лу,/ Сего́, Богоно́се, ве́рно уче́ньми наказу́емь. И ны́не и при́сно и во ве́ки веко́в. Ами́нь. Богородичен: Превы́шши была́ еси́, Чи́стая, всея́ неви́димыя и ви́димыя, Присноде́во, тва́ри:/ Зижди́теля бо родила́ еси́,/ я́коже благоизво́ли воплоти́тися во утро́бе Твое́й./ Его́же со дерзнове́нием моли́ спасти́ ду́ши на́ша. Песнь 3 Ирмос: Процвела́ есть пусты́ня, я́ко крин, Го́споди,/ язы́ческая неплодя́щая, Це́рковь,/ прише́ствием, Твои́м,/ в не́йже утверди́ся мое́ се́рдце. Припев: Преподо́бне о́тче Пахо́мие, моли́ Бо́га о на́с. Я́коже еле́нь прите́кл еси́ к воде́, преподо́бне,/ и, окропле́н бью Креще́нием святы́м, ро́су прия́л еси́,/ е́юже услади́ся се́рдце твое́. Припев: Преподо́бне о́тче Пахо́мие, моли́ Бо́га о на́с. Не терпя́ще тве́рдости зре́ти твоея́, преподо́бне,/ де́монстии полцы́, Богоно́се, воздержа́тельныя/ искуше́ния тебе́ разли́чная простро́ша. Сла́ва Отцу́ и Сы́ну и Свято́му Ду́ху. Я́ко свяще́нное стяжа́в житие́,/ был еси́ по́стником, Пахо́мие, законополо́жник и пе́рвый вождь,/ Христу́ сия́ приве́л еси́, сла́вне,/ в Не́мже утверди́ся твое́ се́рдце. И ны́не и при́сно и во ве́ки веко́в. Ами́нь. Богородичен: Чи́ни удиви́шася А́нгельстии, Пречи́стая,/ и челове́ческая устраши́шася сердца́ о рождестве́ Твое́м,/ темже Тя, Богоро́дице, ве́рою почита́ем. Седален, глас 8 Слез ту́чами твою́ ду́шу напои́в бога́тно, о́тче му́дре,/ многопло́дный доброде́телей твои́х пожа́л еси́ клас/ и, па́стырь овца́м преподо́бным быв,/ на зла́це сия́ воздержа́ния воспита́л еси́./ Те́мже разре́шся от жития́ сла́вно,/ оте́ческим, Пахо́мие, лико́м сочета́лся еси́./ Сего́ ра́ди вопие́м ти:/ моли́ Христа́ Бо́га согреше́ний оставле́ние пода́ти/ чту́щим любо́вию святу́ю па́мять твою́. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Богородичен: Со́лнца о́блаче разу́мнаго, Боже́ственнаго Све́та свети́льниче златокова́нный,/ Нескве́рная, Небла́зная, Всенепоро́чная Влады́чице,/ омраче́нную ду́шу мою́ ослепле́нием страсте́й безстра́стия заре́ю просвети́, молю́ся,/ и оскверне́нное мое́ се́рдце омы́й пото́ки умиле́ния, покая́ния же слеза́ми/ и от тиме́ния мя очи́сти дел мои́х, да любо́вию зову́ Ти:/ Богоро́дице Присноде́во,/ моли́ Христа́ Бо́га прегреше́ний оставле́ние пода́ти ми,/ Тебе́ бо име́ю наде́жду, раб Твой. Песнь 4 Ирмос: Прише́л еси́ от Де́вы, не хода́тай, ни А́нгел,/ но Сам, Го́споди, вопло́щся,/ и спасл еси́ всего́ мя, челове́ка./ Тем зову Ти́: сла́ва си́ле Твое́й, Го́споди. Припев: Преподо́бне о́тче Пахо́мие, моли́ Бо́га о на́с. Я́ко изря́ден прави́тель был еси́, Пахо́мие, мона́шеских собо́ров:/ виде́нием бо, прему́дре о́тче,/ извести́лся еси́ доброде́тели воздви́гнути попече́ние. Припев: Преподо́бне о́тче Пахо́мие, моли́ Бо́га о на́с. Ду́ха Свята́го зарю́ прие́м,/ звезда́ пресве́тлая, сия́ющая благода́тию, был еси́ всем,/ и́хже наста́вил еси́ ко спасе́ния приста́нищу твои́ми уче́ньми. Припев: Преподо́бне о́тче Пахо́мие, моли́ Бо́га о на́с. Житие́ твое́, Богоно́се, преблаже́нне Пахо́мие, пра́вило изве́стно мона́шествующих бысть,/ и́мже ны́не живу́т твои́м после́дующии, о́тче, Боже́ственным уче́нием. Сла́ва Отцу́ и Сы́ну и Свято́му Ду́ху. Уязвля́емь Влады́чнею любо́вию,/ погаси́л еси́ пло́ти пристра́стие воздержа́нием, Пахо́мие,/ все житие́ твое́, я́ко благово́нну же́ртву, освяти́л еси́. И ны́не и при́сно и во ве́ки веко́в. Ами́нь. Богородичен: Тя приста́нище спасе́ния и сте́ну недви́жиму,/ Богоро́дице Влады́чице, вси ве́мы, ве́рнии:/ Ты бо моли́твами Твои́ми от бед избавля́еши ду́ши на́ша. Песнь 5 Ирмос: Хода́тай Бо́гу и челове́ком был еси́, Христе́ Бо́же:/ Тобо́ю бо, Влады́ко, к Светонача́льнику, Отцу́ Твоему́,/ от но́щи неве́дения/ приведе́ние и́мамы. Припев: Преподо́бне о́тче Пахо́мие, моли́ Бо́га о на́с. Любо́вию Бо́жиею, уче́нием бесе́довал еси́ Ду́ха,/ из ни́хже просвеща́емь, доброде́тели соверше́ние прия́л еси́,/ от страсте́й измени́в душе́вное устрое́ние. Припев: Преподо́бне о́тче Пахо́мие, моли́ Бо́га о на́с. Моли́твенника Твоего́, по́стника приво́дим Тебе́, Влады́ко,/ того́ ра́ди прося́ще просвеще́нием благода́ти просвети́тися/ и Твои́м всеору́жием всегда́ сохрани́тися. Сла́ва Отцу́ и Сы́ну и Свято́му Ду́ху. Укрепи́в ум за́поведей соблюде́ньми, Пахо́мие,/ пло́ти взыгра́ние твои́м воздержа́нием увяди́л еси́/ и па́стырь показа́лся еси́ боголюбе́знаго со́нма. И ны́не и при́сно и во ве́ки веко́в. Ами́нь. Богородичен: Моли́ Твоего́ Сы́на и Го́спода, Де́во Чи́стая,/ пле́нным избавле́ние от проти́внаго обстоя́ния/ и на Тя упова́ющим умире́ние дарова́ти. Песнь 6 Ирмос: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́. Припев: Преподо́бне о́тче Пахо́мие, моли́ Бо́га о на́с. Всегуби́тельная де́монская попра́л еси́, о́тче, кова́рства,/ Влады́ки твоего́ оде́ян си́лою и кресто́м честны́м огражда́емь. Припев: Преподо́бне о́тче Пахо́мие, моли́ Бо́га о на́с. У́мно па́че вре́менных проразсуди́в ве́чнующая,/ боле́зни воздержа́ния претерпе́л еси́, преподо́бне,/ и душа́м строи́тель был еси́. Сла́ва Отцу́ и Сы́ну и Свято́му Ду́ху. Во́льне обнища́в ду́хом, о́тче,/ безсме́ртное и непрее́мное на Небесе́х наслажде́ние/ и несказа́нное бога́тство восприя́л еси́. И ны́не и при́сно и во ве́ки веко́в. Ами́нь. Богородичен: Неискусому́жно, Де́во, родила́ еси́ и ве́чнуеши Де́ва,/ явля́ющи и́стиннаго Божества́, Сы́на и Бо́га Твоего́, о́бразы. Кондак, глас 2 Свети́льник све́тел показа́лся еси́ в конце́х,/ пусты́ню же гра́ды сотвори́л еси́ мно́жествы мона́шескими,/ сам себе́ распе́н, крест твой на ра́мо взем,/ и воздержа́нием те́ло изнури́л еси́,/ моля́ непреста́нно о всех нас. Икос Пресве́тлая блаже́ннаго па́мять други́й яви́ся день спасе́ния нам,/ све́тлостию воздержа́ния нощь глубоку́ страсте́й отгоня́щи/ и вседоброде́тельным дея́нием све́тло облиста́ющи,/ в не́йже ясна́ звезда́ и светла́ яви́ся./ Ве́рно пе́сни с весе́лием Пахо́мию Боже́ственному принесе́м:/ с высоты́ бо зря, просвеща́ет нас и дае́т мир неоску́ден,/ моля́ непреста́нно о всех нас. Песнь 7 Ирмос: Богопроти́вное веле́ние/ беззако́ннующаго мучи́теля высо́к пла́мень вознесло́ есть,/ Христо́с же простре́ Богочести́вым отроко́м ро́су духо́вную,/ Сый благослове́н и препросла́влен. Припев: Преподо́бне о́тче Пахо́мие, моли́ Бо́га о на́с. Кре́постию оде́явся Влады́чнею, я́ко прах, сладостра́стия жития́ попра́л еси́,/ любо́вию побежда́емь нетле́нный жи́зни, е́йже ны́не и причасти́лся еси́,/ с ли́ки А́нгел, о́тче, водворя́яся. Припев: Преподо́бне о́тче Пахо́мие, моли́ Бо́га о на́с. Се́рдце стяжа́в чи́сто, ви́дети сподо́бился еси́ все́ми Неви́димаго,/ отсю́ду я́коже блаже́н служи́тель, о́тче, был еси́,/ поя́ Благоде́теля и препросла́вленнаго. Сла́ва Отцу́ и Сы́ну и Свято́му Ду́ху. Правосла́вную му́дрость ты стяжа́в, Еди́ницу Тричи́сленную,/ Тро́ицу Единосу́щную, преблаже́нне, пропове́дал еси́/ и Сло́ва стра́шное воплоще́ние, научи́л еси́ пе́ти Благоде́теля,/ я́ко препросла́вленна во ве́ки. И ны́не и при́сно и во ве́ки веко́в. Ами́нь. Богородичен: Святы́х Святе́йшую Тя разуме́ем, я́ко еди́ну, ро́ждшую Бо́га непреме́ннаго,/ Де́во Нескве́рная, Ма́ти Безневе́стная,/ всем бо источи́ла еси́ ве́рным нетле́ние Боже́ственным рождество́м Твои́м. Песнь 8 Ирмос: Пещь иногда́ о́гненная в Вавило́не де́йства разделя́ше,/ Бо́жиим веле́нием халде́и опаля́ющая,/ ве́рныя же ороша́ющая, пою́щия:/ благослови́те, вся дела́ Госпо́дня, Го́спода. Припев: Преподо́бне о́тче Пахо́мие, моли́ Бо́га о на́с. По́стных я́ве воображе́ния/ от А́нгела научи́лся еси́, му́дре, от Боже́ственнаго повеле́ния./ Имиже ны́не пита́еми, благоче́стия пито́мцы, пе́сньми зове́м:/ благослови́те, вся дела́ Госпо́дня, Го́спода. Припев: Преподо́бне о́тче Пахо́мие, моли́ Бо́га о на́с. Я́коже мо́лния, вели́кими блиста́нии житие́ сия́ющее всем возсия́/ воздержа́ния твоего́, всему́дре, благоче́стно Зижди́телю зову́щим:/ благослови́те, вся дела́ Госпо́дня, Го́спода. Сла́ва Отцу́ и Сы́ну и Свято́му Ду́ху. Тя, па́че ума́ из нерожде́нна Отца́, пре́жде век рожде́нна, Христе́,/ сла́вя, пропове́да Пахо́мий сла́вный и Ду́ха Всесвята́го,/ еди́но Тро́ицы естество́ ве́дый и Божество́. И ны́не и при́сно и во ве́ки веко́в. Ами́нь. Богородичен: Дверь Тя Све́та, Де́во Богома́ти, благоче́ствующе, имену́ем,/ О́тчее бо сия́ние, соеди́ншееся пло́ти дебельству́,/ па́че естества́ родила́ еси́, Пречи́стая./ Его́же пое́м, вся дела́ Госпо́дня, Го́спода. Песнь 9 Ирмос: Безнача́льна Роди́теля Сын, Бог и Госпо́дь,/ вопло́щся от Де́вы, нам яви́ся/ омраче́нная просвети́ти, собра́ти расточе́нная./ Тем Всепе́тую Богоро́дицу велича́ем. Припев: Преподо́бне о́тче Пахо́мие, моли́ Бо́га о на́с. Луча́ми благода́ти озари́вся, Пахо́мие, я́ко ве́рен служи́тель Бо́гу предстои́ши/ и наслади́тися сла́вы сподо́блься неразруши́мыя./ Те́мже честны́й пра́здник твой велича́ем. Припев: Преподо́бне о́тче Пахо́мие, моли́ Бо́га о на́с. Исплете́ся тебе́ вене́ц, я́ко победи́телю, Па́хомие,/ десни́цею живоно́сною и вседержи́тельною,/ и ны́не пою́щия твою́ па́мять сла́вную сподо́би, блаже́нне,/ улучи́ти оставле́ние согреше́ний, всеприснопа́мятне. Сла́ва Отцу́ и Сы́ну и Свято́му Ду́ху. Плоды́ ны́не объе́м боле́зней твои́х, Пахо́мие,/ ра́дости наслажда́ешися, я́же па́че ума́,/ но хода́тайствуя изба́вити твоя́ ученики́ Христа́ умоли́,/ тя ны́не сла́вящия и чту́щия, достосла́вне. И ны́не и при́сно и во ве́ки веко́в. Ами́нь. Богородичен: Я́ко руно́, Пренепоро́чная, дождь небе́сный во утро́бе прие́мши,/ нам родила́ еси́ пи́щу даю́щаго, благоче́стно Того́ воспева́ющим/ и Тя, Всепе́тую Богоро́дицу, испове́дающим. Светилен А́нгельскаго жития́ жела́я, удали́л еси́ себе́ в пусты́нях/ и стра́сти покори́л еси́ плотски́я,/ равноа́нгелен показа́вся, Пахо́мие Богоно́се.

Мульткалендарь. 28 мая

Конда́к 1 Избра́нному страстоте́рпцу и преди́вному чудотво́рцу, гра́да У́глича небе́сному покрови́телю, сла́вному благове́рному кня́зю царе́вичу Дими́трию соста́вим похвалы́, пра́вды ра́ди, я́ко А́вель, от врага́ пострада́вшему, преди́вному удобре́нию земли́ Росси́йския. Ты́ же, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́: Ра́дуйся, святы́й страстоте́рпче кня́же царе́вичу Дими́трие. И́кос 1 А́нгелов и челове́ков Творе́ц и Госпо́дь яви́ ду́шу твою́ непоро́чну и нра́в а́нгельский от святы́я купе́ли Креще́ния твоего́, страстоте́рпче кня́же царе́вичу Дими́трие; избе́гл еси́ обы́чных све́та сего́ суе́т и собла́знов, чу́жд бы́л еси́ претыка́ний и паде́ний, чи́стым се́рдцем моля́ся ко Еди́ному Всеблаго́му Бо́гу, ми́лостивно взира́ющему на кро́тких и смире́нных. Сего́ ра́ди тя́ чти́м, я́ко моли́твенника те́пла и чудотво́рца изря́дна, и к честне́й твое́й ико́не припа́дающе, уми́льно тебе́ зове́м: Ра́дуйся, гра́да Москвы́ прозябе́ние свято́е. Ра́дуйся, ро́да ца́рскаго блага́я о́трасле. Ра́дуйся, от отца́, благода́ти тезоимени́та, и ма́тери, госпожи́ нарече́нныя, рожде́нный. Ра́дуйся, твоего́ А́нгела Храни́теля непреста́нное увеселе́ние. Ра́дуйся, У́глича гра́да неруши́мое утвержде́ние. Ра́дуйся, отроко́м похвало́ и сла́во. Ра́дуйся, неви́нностию и чистото́ю убеле́нный. Ра́дуйся, честно́ю твое́ю кро́вию обагре́нный. Ра́дуйся, Це́ркве Христо́вы лучеза́рный свети́льниче. Ра́дуйся, все́х спаса́емых кро́ткий наста́вниче. Ра́дуйся, святы́й страстоте́рпче кня́же царе́вичу Дими́трие. Конда́к 2 Ви́дя Госпо́дь Бо́г чи́стую твою́ ду́шу, восхоте́ бы́ти тебе́ освяще́нному сосу́ду Ду́ха Свята́го, все́льшагося в непоро́чное се́рдце твое́ и воздыха́нии неизглаго́ланными научи́вшаго тя́ благоприя́тно пе́ти Пресвяте́й Тро́ице: Аллилу́иа. И́кос 2 Ра́зум иму́ще помраче́нный зло́бою, врази́ твои́, царе́вичу Дими́трие, не терпя́ще тя́ зре́ти во гра́де Москве́, отосла́ша тя́ с ма́терию твое́ю во гра́д У́глич. Мы́ же тя́ срета́ем пе́нием таковы́м: Ра́дуйся, непови́нный изгна́нниче. Ра́дуйся, Ца́рствия Небе́снаго насле́дниче. Ра́дуйся, в ю́ности твое́й креста́ своего́ усе́рдный носи́телю. Ра́дуйся, и́го Христо́во и бре́мя Его́ благоду́шно подъе́мый. Ра́дуйся, в страда́нии твое́м до́блесть чу́дную яви́вый. Ра́дуйся, я́звы Го́спода Иису́са Христа́ на те́ле твое́м носи́вый. Ра́дуйся, гра́да У́глича и всея́ страны́ на́шея кре́пкое защище́ние. Ра́дуйся, святы́я Правосла́вныя Це́ркве све́тлая похвало́ и утвержде́ние. Ра́дуйся, святы́й страстоте́рпче кня́же царе́вичу Дими́трие. Конда́к 3 Си́ла Вы́шняго вои́стину тя́ храня́ше, свя́те Дими́трие, егда́ врази́ твои́ я́дом тя́ уби́ти хотя́ху; ты́ же, а́ще и сме́ртное испи́л еси́, оба́че без вреда́ пребы́л еси́, всехва́льне, чи́стыми усты́ твои́ми поя́ спа́сшему тя́ Бо́гу: Аллилу́иа. И́кос 3 Име́я от ю́ности твоея́ чистоту́ се́рдца, чу́жд бы́л еси́ мирски́я уте́хи отроко́в; сего́ ра́ди Промысли́тель Бо́г, призира́яй всеви́дящим о́ком на всю́ тва́рь, испо́лни ду́шу твою́ благода́ти. Прославля́я у́бо Его́ благо́е о тебе́ промышле́ние, усе́рдно к тебе́ взыва́ем: Ра́дуйся, смире́ннаго и благода́тнаго о́трочества Христо́ва подража́телю. Ра́дуйся, благода́ти Бо́жия досто́йное храни́лище. Ра́дуйся, све́рстником твои́м приме́ре благонра́вия. Ра́дуйся, иску́са мирски́х сласте́й не прие́мый. Ра́дуйся, благода́тное отроча́, ду́х стра́ха Бо́жия стяжа́вшее. Ра́дуйся, жите́йских зо́л неприча́стный. Ра́дуйся, за лише́ние земно́е ра́йским наслажде́нием уте́шенный. Ра́дуйся, за ну́жды врeменныя изоби́лия бла́г ве́чныя несконча́емыя ра́дости сподо́бивыйся. Ра́дуйся, святы́й страстоте́рпче кня́же царе́вичу Дими́трие. Конда́к 4 Бу́рям жите́йских скорбе́й утоле́ния и́щущи, благове́рная Мари́я, ма́ти твоя́, Царе́вичу Дими́трие, с во́плем кре́пким моля́шеся и ко Го́споду взыва́ше: «Изми́ на́с, Го́споди, от челове́ков лука́вых и от муже́й непра́ведных изба́ви на́с». Те́мже в ско́рби се́рдца своего́ и́злиха вопия́ла е́сть к Бо́гу: Аллилу́иа. И́кос 4 Слы́шаще и ви́дяще лю́дие гра́да У́глича равноа́нгельное житие́ твое́, благове́рне царе́вичу Дими́трие, зело́ почита́ху тя́, я́ко Бо́жия избра́нника, и попремно́гу тя́ чествова́ху пе́нием таковы́м: Ра́дуйся, кня́же на́ш вожделе́нный. Ра́дуйся, во благове́рии на́м утвержде́ние. Ра́дуйся, я́ко Христа́ в неви́нней души́ твое́й всели́л еси́. Ра́дуйся, луча́ми Свята́го Ду́ха озаре́нный. Ра́дуйся, милосе́рдия Христо́ва подража́телю. Ра́дуйся, вдо́в и сиро́т прибе́жище и пита́телю. Ра́дуйся, младе́нцем и отроко́м на́шим небе́сный покрови́телю. Ра́дуйся, и все́м чту́щим тя́ усе́рдный к Бо́гу моли́твенниче. Ра́дуйся, святы́й страстоте́рпче кня́же царе́вичу Дими́трие. Конда́к 5 Боготе́чной звезде́, украша́ющей не́бо церко́вное, уподо́бити тя́ дерза́ем, страстоте́рпче кня́же Дими́трие, на́м, блудя́щим во тьме́ нече́стия и беззако́ния, пу́ть спасе́ния указу́ющей и на стези́ пра́вды и благоче́стия лю́ди Бо́жия наставля́ющей, усе́рдно Го́споду, Зижди́телю вся́ческих, немо́лчно взыва́ющих: Аллилу́иа. И́кос 5 Ви́дим тя́, благове́рне царе́вичу Дими́трие, подо́бника тезоимени́тому ти́ великому́ченику Дими́трию Солу́нскому: я́коже о́н ко́пиями избоде́н бя́ше, та́ко и ты́ от твои́х рабо́в, я́ко а́гнец непоро́чен ноже́м закла́н бы́л еси́. Мы́ же, со стра́хом помина́юще му́ченическую кончи́ну твою́, к тебе́ взыва́ем си́це: Ра́дуйся, непови́нный страда́льче. Ра́дуйся, же́ртво беззако́ннаго властолю́бия. Ра́дуйся, ца́рскую диади́му кро́вию твое́ю обагри́вый. Ра́дуйся, я́ко кре́ст в ру́ку вме́сто ски́птра прия́л еси́. Ра́дуйся, я́ко вме́сто земна́го ца́рства, Небе́сное Ца́рство восприя́л еси́. Ра́дуйся, я́ко осмоле́тним во́зрастом, я́ко кла́с незре́л, пожа́лся еси́. Ра́дуйся, кро́вию твое́ю зе́млю У́гличскую освяти́вый. Ра́дуйся, я́ко с му́ченики и со все́ми святы́ми при́сно торжеству́еши. Ра́дуйся, святы́й страстоте́рпче кня́же царе́вичу Дими́трие. Конда́к 6 Пропове́дник непови́ннаго твоего́ убие́ния яви́ся гро́б тво́й, страстоте́рпче кня́же Дими́трие, и́же пятьна́десять ле́т храня́ше нетле́нным те́ло твое́; те́мже и до дне́сь благове́рнии лю́дие, припа́дающе к ра́це многоцеле́бных моще́й твои́х, благода́рно пою́т Бо́гу: Аллилу́иа. И́кос 6 Возсия́ я́ко со́лнце па́мять твоя́, страстоте́рпче царе́вичу Дими́трие, и тече́т сла́ва, я́ко река́ в Росси́йстей земли́, пове́дающи, я́ко не по мно́зе вре́мене настоя́щее житие́ ви́де и осмоле́тним во́зрастом лю́тую, непови́нную сме́рть прия́л еси́; я́ко а́гнец незло́бив, ничи́м же проти́вился еси́ рабу́ твоему́ и уби́йце. Сего́ ра́ди мы́ со умиле́нием тебе́ взыва́ем си́це: Ра́дуйся, непови́нное закла́ние претерпе́вый. Ра́дуйся, я́ко кро́вь твоя́, я́коже А́велева, вопие́т от земли́ ко Христу́ Бо́гу. Ра́дуйся, би́сере драгоце́нный, в небе́сной сокро́вищнице Христо́ве сохране́нный. Ра́дуйся, диади́му княже́ния земна́го с венце́м му́ченическим сочета́вший. Ра́дуйся, исцеле́ний благода́тный исто́чниче. Ра́дуйся, дарова́ний вели́ких вмести́лище. Ра́дуйся, я́ко тобо́ю ди́вен Бо́г во Святы́х свои́х явля́ется. Ра́дуйся, я́ко тобо́ю благоче́стно и́мя Христо́во прославля́ется. Ра́дуйся, святы́й страстоте́рпче кня́же царе́вичу Дими́трие. Конда́к 7 Хотя́й Госпо́дь спасти́ зе́млю Ру́сскую, егда́ лю́тое колеба́ние бы́сть в земли́ на́шей по сме́рти твое́й, благове́рне царе́вичу Дими́трие, от о́ных злы́х и наве́тных челове́к, лжу́щих и́менем твои́м; твои́м же заступле́нием и моли́твами Бо́г те́х погуби́ и лю́тое колеба́ние от ни́х укроти́. Мы́ же хвале́бно о се́м ко Го́споду взыва́ем: Аллилу́иа. И́кос 7 Но́вый яви́ся вра́г в Росси́йстей земли́ по сме́рти твое́й, страстоте́рпче царе́вичу Дими́трие, и́же пре́жде нося́й на себе́ о́браз и́ноческий, по́слежде све́рже его́ с себе́, и возложи́ на ся́ тезоимени́тство твое́, и бы́сть ца́рь; Бо́г же, моли́тв ра́ди твои́х, до конца́ сего́ погуби́. Лю́дие же Росси́йския, от злы́х изба́вльшеся, благода́рно к тебе́ взыва́ху: Ра́дуйся, земли́ Росси́йския неусы́пный засту́пниче. Ра́дуйся, о спасе́нии ея́ те́плый моли́твенниче. Ра́дуйся, отра́до на́ша и в ско́рбех утеше́ние. Ра́дуйся, согреша́ющих исправле́ние и неду́гующих исцеле́ние. Ра́дуйся, благовре́менная на́ша в напа́стех по́моще. Ра́дуйся, предваря́яй проше́ния призыва́ющих тя́ в беда́х. Ра́дуйся, граждани́не Иерусали́ма Небе́снаго. Ра́дуйся, ца́рства Христо́ва насле́дниче. Ра́дуйся, святы́й страстоте́рпче кня́же царе́вичу Дими́трие. Конда́к 8 Стра́нное ми́рови житие́ твое́ ви́дяще, устрани́мся и мы́ того́ суе́т, и у́м на небеса́ прело́жше, возопии́м к тебе́: о, страстоте́рпче царе́вичу Дими́трие! Утоли́ боле́зни и источи́ благода́тная врачева́ния все́м, усе́рдно к по́мощи твое́й притека́ющим и вопию́щим вы́ну к Бо́гу: Аллилу́иа. И́кос 8 Все́ми вы́шними и ни́жними влады́чествуяй Госпо́дь, яви́ тя́, страстоте́рпче царе́вичу Дими́трие, при́снаго на́м помо́щника и от вра́г ви́димых и неви́димых кре́пкаго защи́тника, науча́ющаго на́с подража́ти тебе́ в чистоте́ и незло́бии, да напра́виши сердца́ на́ша ко смире́нию, покая́нию и неосла́бному исполне́нию за́поведей Христо́вых. Мы́ же взыва́ем ти́ си́це: Ра́дуйся, гре́шных ко исправле́нию приведе́ние. Ра́дуйся, ми́ро враче́бное неду́гов многоразли́чных. Ра́дуйся, храни́телю на́ш кре́пкий и неусы́пный. Ра́дуйся, не то́кмо теле́сных, но и душе́вных боле́зней изря́дный цели́телю. Ра́дуйся, в честны́х твои́х ико́нах и моща́ми с на́ми пребыва́яй. Ра́дуйся, испо́лнивый на себе́ сло́во Бо́жие: храни́т Госпо́дь вся́ ко́сти и́х. Ра́дуйся, Небе́снаго Сио́на жи́телю. Ра́дуйся, нерукотворе́нных ски́ний ра́йских обита́телю. Ра́дуйся, святы́й страстоте́рпче кня́же царе́вичу Дими́трие. Конда́к 9 Все́ естество́ а́нгельское возра́довася, ви́дяще тя́, страстоте́рпче царе́вичу Дими́трие: а́ще и я́ко кла́с незре́л пожа́лся еси́, но свято́ю твое́ю душе́ю невреди́м пребы́л еси́, и ны́не с ли́ки а́нгельскими в небе́сных селе́ниих пребыва́еши, ра́дуяся, и с ни́ми немо́лчно Святе́й Тро́ице пое́ши: Аллилу́иа. И́кос 9 Вети́я многовеща́нныя не возмо́гут по достоя́нию восхвали́ти ми́лости и вся́ чудеса́ твоя́, царе́вичу Дими́трие, и́миже отце́м на́шим вспомоществова́л еси́; не отри́ни и на́с, ча́д и́х, стопа́ми и́х к тебе́ ше́ствующих и моле́бне к тебе́ взыва́ющих: Ра́дуйся, ми́лостивый уте́шителю в беда́х на́м су́щим. Ра́дуйся, безпомо́щных спаси́тельное призре́ние. Ра́дуйся, боля́щих младе́нцев безме́здный целе́бниче. Ра́дуйся, ни́щих и убо́гих ско́рое услы́шание. Ра́дуйся, то́ки чуде́с ми́ру явля́яй. Ра́дуйся, слепце́м зре́ние возвраща́яй. Ра́дуйся, де́вственных лико́в сла́во и похвало́. Ра́дуйся, земны́х упова́ние и небе́сных сла́во. Ра́дуйся, святы́й страстоте́рпче кня́же царе́вичу Дими́трие. Конда́к 10 Спасти́ся на́м хотя́щим до́бр во́ждь ко спасе́нию яви́лся еси́, страстоте́рпче царе́вичу Дими́трие; сего́ ра́ди со усе́рдным моле́нием к чудотво́рному твоему́ о́бразу притека́ем, твое́ю всеси́льною о Го́споде по́мощию, я́ко необори́мою стено́ю, огражда́емся, усе́рдно взыва́юще ко Спа́су Христу́: Аллилу́иа. И́кос 10 Стена́ и заступле́ние земли́ Росси́йския яви́лся еси́, страстоте́рпче Христо́в царе́вичу Дими́трие, я́ко твои́ми моли́твами Госпо́дь Бо́г посла́ на раба́ твоего́ и уби́йцу — не́коего врага́ и отме́тника пра́выя ве́ры, наре́кшагося тезоимени́тством твои́м, да све́ржет уби́йцу твоего́ с престо́ла ца́рска, е́же и бы́сть. Сего́ ра́ди тебе́ припа́дающе зове́м: Ра́дуйся, в беда́х и напа́стех ско́рый на́ш помо́щниче. Ра́дуйся, ве́рных огражде́ние и свяще́нное прибе́жище. Ра́дуйся, ревну́ющих о спасе́нии души́ кре́пкий помо́щниче. Ра́дуйся, предста́тельство бе́дствующим на́м в мо́ре жите́йском. Ра́дуйся, послу́шателю тебе́ моля́щихся. Ра́дуйся, пода́телю ми́лости тоя́ тре́бующим. Ра́дуйся, нетле́нием моще́й твои́х в и́стине воскресе́ния ме́ртвых на́с уверя́яй. Ра́дуйся, о́браз безсме́ртия в сме́ртном телеси́ показу́яй. Ра́дуйся, святы́й страстоте́рпче кня́же царе́вичу Дими́трие. Конда́к 11 Пе́ния и пе́сни духо́вныя соверша́ху лю́дие в пренесе́нии честны́х и многоцеле́бных моще́й твои́х, царе́вичу Дими́трие, из богоспаса́емаго гра́да У́глича в ца́рствующий гра́д Москву́, его́же па́мять свята́я Це́рковь и до дне́сь соверша́ет, со все́ми ве́рными ча́ды свои́ми взыва́ющи ко Го́споду: Аллилу́иа. И́кос 11 Светоза́рнаго свети́льника пред Престо́лом Бо́жиим стоя́щаго, оча́ми ве́ры зри́м тя́, царе́вичу Дими́трие. Те́мже со умиле́нием припа́дающе ко изображе́нию лица́ твоего́, благода́рственно к тебе́ взыва́ем: Ра́дуйся, гра́да У́глича небе́сный покрови́телю. Ра́дуйся, все́м чту́щим па́мять твою́ небе́сных бла́г хода́таю. Ра́дуйся, прекра́сный кри́не, ве́рных сердца́ услажда́яй. Ра́дуйся, непоро́чнаго младе́нчества и о́трочества изря́дная похвало́. Ра́дуйся, целому́дрия и воздержа́ния ю́ных ве́рный наста́вниче. Ра́дуйся, веду́щим бра́нь проти́ву ми́ра, пло́ти и диа́вола до́брый споспе́шниче. Ра́дуйся, на́м, бе́дствующим, на по́мощь ускоря́яй. Ра́дуйся, от жития́ отходя́щим заступле́ние твое́ многомо́щное явля́яй. Ра́дуйся, святы́й страстоте́рпче кня́же царе́вичу Дими́трие. Конда́к 12 Благода́ть Боже́ственную и благовре́менную по́мощь испроси́ на́м, уго́дниче Бо́жий, страстоте́рпче царе́вичу Дими́трие, во дни́ безпомо́щия на́шего, и бу́ди на́м в напа́стех уте́шитель, в беда́х засту́пник, в неду́зех вра́ч, ту́не подава́яй на́м да́ры целе́бныя от святы́х моще́й твои́х, к ни́м же усе́рдно припа́дающе, взыва́ем чуде́с Творцу́ Бо́гу: Аллилу́иа. И́кос 12 Пою́ще твоя́ чудеса́, страстоте́рпче Христо́в, царе́вичу Дими́трие, ублажа́ем му́ченическую кончи́ну твою́, восхваля́ем хода́тайство и си́льное заступле́ние твое́ о все́х, тре́бующих по́мощи твоея́, пред свято́ю ико́ною твое́ю с ве́рою и любо́вию тебе́ покланя́ющихся и к тебе́ моле́бно взыва́ющих: Ра́дуйся, у Престо́ла Святы́я Тро́ицы усе́рдный на́ш хода́таю. Ра́дуйся, к Пречи́стей Де́ве Богоро́дице немо́лчный на́ш моле́бниче. Ра́дуйся, собесе́дниче и слико́вниче святы́х А́нгелов. Ра́дуйся, святы́х му́чеников равностоя́телю и совсе́льниче. Ра́дуйся, я́ко в хра́мех, во и́мя твое́ созда́нных, неви́димо пребыва́еши. Ра́дуйся, я́ко моля́щихся в ни́х люде́й моли́твы во бла́го исполня́еши. Ра́дуйся, градо́в Москвы́ и У́глича недви́жимое утвержде́ние. Ра́дуйся, всея́ страны́ Росси́йския благонаде́жное от все́х бе́д заступле́ние. Ра́дуйся, святы́й страстоте́рпче кня́же царе́вичу Дими́трие. Конда́к 13 О, святы́й страстоте́рпче благове́рный кня́же царе́вичу Дими́трие! Приими́ сие́ ма́лое моле́ние на́с, пред свято́ю ико́ною твое́ю с ве́рою и любо́вию тебе́ покланя́ющихся, и те́плыя моли́твы о на́с ко Го́споду вознеси́, и от бе́д и скорбе́й на́с свободи́, вопию́щих Ему́ вы́ну: Аллилу́иа, Аллилу́иа, Аллилу́иа. [Се́й конда́к глаго́лется три́жды.] [Далее повторяем 1‑е икос и кондак:] И́кос 1 А́нгелов и челове́ков Творе́ц и Госпо́дь яви́ ду́шу твою́ непоро́чну и нра́в а́нгельский от святы́я купе́ли Креще́ния твоего́, страстоте́рпче кня́же царе́вичу Дими́трие; избе́гл еси́ обы́чных све́та сего́ суе́т и собла́знов, чу́жд бы́л еси́ претыка́ний и паде́ний, чи́стым се́рдцем моля́ся ко Еди́ному Всеблаго́му Бо́гу, ми́лостивно взира́ющему на кро́тких и смире́нных. Сего́ ра́ди тя́ чти́м, я́ко моли́твенника те́пла и чудотво́рца изря́дна, и к честне́й твое́й ико́не припа́дающе, уми́льно тебе́ зове́м: Ра́дуйся, гра́да Москвы́ прозябе́ние свято́е. Ра́дуйся, ро́да ца́рскаго блага́я о́трасле. Ра́дуйся, от отца́, благода́ти тезоимени́та, и ма́тери, госпожи́ нарече́нныя, рожде́нный. Ра́дуйся, твоего́ А́нгела Храни́теля непреста́нное увеселе́ние. Ра́дуйся, У́глича гра́да неруши́мое утвержде́ние. Ра́дуйся, отроко́м похвало́ и сла́во. Ра́дуйся, неви́нностию и чистото́ю убеле́нный. Ра́дуйся, честно́ю твое́ю кро́вию обагре́нный. Ра́дуйся, Це́ркве Христо́вы лучеза́рный свети́льниче. Ра́дуйся, все́х спаса́емых кро́ткий наста́вниче. Ра́дуйся, святы́й страстоте́рпче кня́же царе́вичу Дими́трие. Конда́к 1 Избра́нному страстоте́рпцу и преди́вному чудотво́рцу, гра́да У́глича небе́сному покрови́телю, сла́вному благове́рному кня́зю царе́вичу Дими́трию соста́вим похвалы́, пра́вды ра́ди, я́ко А́вель, от врага́ пострада́вшему, преди́вному удобре́нию земли́ Росси́йския. Ты́ же, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́: Ра́дуйся, святы́й страстоте́рпче кня́же царе́вичу Дими́трие. Моли́тва благове́рному царе́вичу Дими́трию У́гличскому О, пресла́вный и ди́вный в чудесе́х, красото́ му́чеников, страстоте́рпче кня́же царе́вичу Дими́трие! Ско́ро предста́ни Небе́сному Царю́ и му́ченическия твоя́ ру́це о на́с, гре́шных, моле́бне к Нему́ простри́, я́ко име́яй дерзнове́ние ве́лие. Сохрани́ же твои́ми моли́твами гра́д се́й и вся́ гра́ды и ве́си правосла́вныя, и святе́йшия патриа́рхи и преосвяще́нныя митрополи́ты, архиепи́скопы и епи́скопы, и ве́сь свяще́нный чи́н церко́вный, и вся́ правосла́вныя христиа́ны; все́х на́с приими́ в твое́ заступле́ние, от все́х бе́д и зо́л избавля́я и от наше́ствия ви́димых и неви́димых, борю́щих на́с враго́в, свобожда́я, и те́х вся́к наве́т и злохи́трство погубля́я и отгоня́я; та́же прегреше́ний на́ших проще́ние испроси́ и в ве́к бу́дущий Небе́снаго Ца́рствия на́с сподо́би и спасе́нных Бо́гу предста́ви, благода́тию и человеколю́бием Го́спода и Спа́са на́шего Иису́са Христа́, Ему́ же че́сть и поклоне́ние подоба́ет, ны́не и при́сно и во ве́ки веко́в. Ами́нь. Моли́тва ина́я О, святы́й му́чениче, благове́рный царе́вичу и кня́же Дими́трие! Я́ко а́гнец незло́бив от раба́ заколе́нный, венце́м ца́рским от Го́спода венча́лся еси́, и сы́н царе́в бы́в, му́ченик непобеди́м яви́лся еси́, и вме́сто земны́х и тле́нных на небеси́ нетле́нная восприя́л еси́. И ны́не предстоя́ в ра́дости Святе́й Тро́ице, посеща́й творя́щих ве́рно твою́ светоно́сную па́мять: соблюда́й оте́чествие твое́ и гра́д тво́й невреди́м, тому́ бо еси́ утвержде́ние; утверди́ правосла́вных жи́тельство в ми́ре глубо́це: междоусо́бную бра́нь укроти́, и вся́ поле́зная да́руй всегда́ лю́дем моли́твами твои́ми, да ве́рою и любо́вию вопие́м ти́: ра́дуйся, свя́те Дими́трие, ве́рных люде́й те́плый засту́пниче и прибе́жище и земли́ Росси́йския украше́ние. Ами́нь. Моли́тва тре́тья О, вели́кий и ми́лостивый страстоте́рпче, царе́вичу кня́же Дими́трие! Услы́ши на́с, гре́шных, моле́ние со усе́рдием тебе́ принося́щих, и помози́ на́м в жи́зни се́й, от грехо́в и скорбе́й избавля́я, и в бу́дущем ве́це бу́ди помо́щник и засту́пник, от муче́ний а́довых свобожда́я и сподобля́я ку́пно с тобо́ю покланя́тися и воспева́ти Всесвяту́ю Тро́ицу, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Бог не смотрит на то, кем человек работает в мире сем, что у него есть, как он одет, накормлен, образован, уважают ли его люди, — Бог смотрит на сердце человека. Другими словами: Бог смотрит не на внешнее состояние и положение человека, но на его внутреннее развитие, возрастание и обогащение духом и истиной. ️ Святитель Николай Сербский