Musofir ayol dardi...
Oʻzi obdon sinov berdi menga dunyo,
Boʻldi endi tortavermang tarobimni,
Ayol boʻlib tugʻilganim aybimmi yo?
Musofirda yurganligim gunohimmi?
Nafs boshga tosh yostiqlar botib ketdi,
Onajonim sogʻindim lek borolmadim.
Koʻzlarimdan oppoq qonlar oqib ketdi,
Sizlar uchun hecham yaxshi boʻlolmadim!
Erta-yu kech tinim bilmay ishlayapman,
Chumoli ham dam olarkan qor ostida.
Quyosh koʻrmay yozida ham qishlayapman,
Boʻynim boʻgʻib qoʻyilganday dor ostida!
Topganlarim bari halol, haromim yoʻq,
Mish-mishlarga quloq solmay kulib qoʻydim.
Ona yurtga qaytay desam barorim yoʻq,
Tunlar yigʻlab, kunduz yana kulib qoʻydim!
Chorasizlik ajratmaydi erkak-ayol,
Yoʻqchilik ham birday kela