MWC 2018
Բարսելոնայում ընթանում է տեխնոլոգիական աշխարհի կարևորագույն միջազգային միջոցառումներից մեկը՝ Mobile World Congress 2018-ը, որին ներկա է «Արփինետ» ընկերության տնօրեն Արմեն Մուրադյանը: Ցուցահանդեսին ներկայացվում են նոր ապրանքատեսակներ, տեխնոլոգիական նորույթներ։
Փետրվարի 24-ին ՀՄԽ ԲՄՀԿ-ի Ինովացիոն Էթնիկ Մարզային Կենտրոնում տեղի ունեցավ «Արփինետ» ընկերության ներկայացուցիչներից կազմված մասնագիտական հանձնաժողովի և «ՏՀՏ-ն դեպի մարզեր» ծրագրի նախնական շահառուների հետ հանդիպում-հարցազրույցը:
Փետրվարի 15-ին «Արփինետ» ընկերության տնօրեն Արմեն Մուրադյանը մասնակցեց ՀՀ առևտրաարդյունաբերական պալատում կազմակերպված «Հեղինակային և հարակից իրավունքների կիրարկումը Հայաստանում» սեմինար- քննարկմանը։ Հանդիպման մասնակիցները հնարավորություն ունեցան տեղեկանալու հեղինակային և հարակից իրավունքների մասին, ինչպես նաև համացանցում հեղինակային իրավունքների իրավական պահպանության և պաշտպանության առանձնահատկություններին։Սեմինարի ընթացքում ծավալվեց ակտիվ քննարկում և կարծիքների փոխանակում: Տեղեկացնենք նաև, որ «Արփինետ» ընկերությունը դարձավ «Մտավոր սեփականության իրավատերերի ակումբ» իրավապաշտպան հասարակական կազմակերպության անդամ։
Փետրվարի 5-6-ը «Արփինետ» ընկերության աշխատակիցները մասնակցեցին RIPE NCC կազմակերպության կողմից կազմակերպված «Internet Fundamentals and Data Analytics Workshop» դասընթացին։ «Արփինետ»-ի Ցանցային ադմինիստրատոր Գոռ Պողոսյանը դասընթացի մասնակիցներին ներկայացրեց Ripe Atlas-ից օգտվելու մեթոդները։ Ելույթով հանդես եկան նաև RIPE NCC-ի փորձագետներ Վահան Հովսեփյանը, Քրիստիան Տոյշելը և այլք։
Այսօր տեղի ունեցավ «Արփինետ» ընկերության կազմակերպած «Երբ գալիս է Ամանորը...» մրցույթի ամփոփումը։ Ժյուրիի քվեարկության արդյունքում հաղթող ճանաչվեցին Վարդանուշ Սարգսյանը՝ լավագույն ստեղծագործ մտքի հեղինակ և ամենաշատ հավանումներ ստացած Մարիամ Քյարունցը։ Հաղթող մասնակիցները ստացան խրախուսական նվերներ և մասնակցության հավաստագրեր։
CSTB.Telecom&Media 2018
Հունվարի 29-ից փետրվարի 1-ը «Արփինետ» ընկերության տնօրեն Արմեն Մուրադյանը և աշխատակիցները մասնակցում են Մոսկվայում CSTB 2018-ին: Ցուցահանդեսին ներկայացվում են տեխնիկական նորույթները, հեռուստատեսության և հեռահաղորդակցության ոլորտի վերջին միտումները։ Ֆորումի ընթացքում «Արփինետ»-ի աշխատակիցները հանդիպումներ են ունենում գործընկերների, ինչպես նաև մի շարք ընկերությունների ներկայացուցիչների հետ և նախնական պայմանավորվածություններ են ձեռք բերվում հետագա համագործակցության համար։
Հունվարի 29-ին, Հայոց բանակի կազմավորման 26-ամյակի կապակցությամբ, ՀՄԽ ԲՄՀԿ-ի «Մաչանենց» թատրոնում տեղի ունեցավ «Երեք զոհ» ներկայացումը, որին հրավիրված էին Էջմիածնի քաղաքապետ Կարեն Գրիգորյանը, պետական և մասնավոր սեկտորի ներկայացուցիչներն ու «Արփինետ» ընկերության աշխատակիցները։ Ներկայացումը կայացավ «Արփինետ» ընկերության հովանավորությամբ։